لیاقت پور (وحید رشدی) پاکستان مسلم لیگ (ن) کے صدر میاں محمد نواز شریف کی طرف سے مریم نواز شریف کو وزیر اعلی پنجاب نامزد کرنا بروقت اور احسن فیصلہ تھا جسے وقت نے بھی درست ثابت کیا ہے پنجاب حکومت کا ہر پروگرام غریب اور مڈل کلاس افراد کی فلاح کے لیئے ہے ان خیالات کا اظہار رکن صوبائی اسمبلی چوہدری محمود احمد نے حلقہ بھر سے آئے عمائدین اور تاجروں سے گفتگو کرتے ہوئے کیا انہوں نے کہا کہ مریم نواز انتھک وزیر اعلی ہیں جو عوامی فلاح کے لیئےروزانہ 18 گھنٹے تک کام کر رہی ہیں صرف ایک سال میں کسان کارڈ، ہمت کارڈ، صحت کارڈ، اقلیتی کارڈ، دھی رانی پروگرام، سبسڈائز کسان گرین ٹریکٹر و زرعی مشینری، لیپ ٹاپس اور نوجوانوں میں اقساط پر بلاسود گرین موٹر سائیکلز کی فراہمی جیسے اہم اقدامات کیئے گئے ہیں دھی رانی پروگرام میں سفید پوش خاندانوں کی بچیوں کی شادی کے لیئے لامحدود بجٹ رکھا گیا ہے تاکہ ہر مستحق اپنی بیٹی کو باعزت طریقے سے رخصت کر سکے انہوں نے کہا کہ ستھرا پنجاب پروگرام کی کامیابی کے لیئے عوام کے تعاون کی اشد ضرورت ہے انتظامیہ بھی سالڈ ویسٹ مینجمنٹ ٹیم کے ساتھ ہر ممکن تعاون کر رہی ہے ایم پی اے سطح سے وزیراعلی ٹیم تک ان کی مانیٹرنگ کی جاتی ہے انہوں نے کہا کہ اپنا گھر اپنی چھت پروگرام کے تحت ہر مستحق خاندان کو گھر دیا جائے گا بیوہ عورتوں کے لیئے باعزت زندگی گزارنے کا منصوبہ بھی شروع ہو چکا ہے جس کے فارم ان کے دفتر سے حاصل کیئے جا سکتے ہیں تجاوزات کے خلاف مہم کے حوالے سے حکومتی پالیسی واضح کرتے ہوئے انہوں نے کہا کہ تجاوزات پر حکومت زیرو ٹالرنس پالیسی رکھتی ہے کوئی پسند یا ناپسند نہیں ہوگی اس مہم میں سختی اس حد تک بڑھتی جا رہی ہے کہ اس میں کوئی رکن اسمبلی یا با اثر شخصیت دخل اندازی کرتی ہے تو اس کی براہ راست رپورٹ وزیراعلی کو جاتی ہے انہوں نے کہا کہ کسی کی جائز جائیداد کو چھیڑا جبکہ ناجائز کو کسی صورت چھوڑا نہیں جائے گا تجاوزات کی وجہ سے شہریوں کا پیدل چلنا مشکل ہو چکا ہے ریڑھی والوں کے لیئے ماڈل بازار بنائے جائیں گے جس کے لیئے ان کو الگ جگہ دی جائے گی پہلے شہری معاملات ٹھیک کیئے جائیں گے اس کے بعد دیہاتوں کی باری آئے گی چوہدری محمود احمد نے کہا کہ پنجاب حکومت کرپشن کے خاتمہ کا تہیہ کیئے ہوئے ہیں پولیس میں کرپشن کی شکایات پر وزیراعلی نے نوٹس لیتے ہوئے آئی جی پولیس کو ہدایات بھی جاری کی ہیں ای ٹینڈرنگ کے ذریعے حکومت نے 32 فیصد فنڈز بچائے ہیں مختلف محکموں کی مانیٹرنگ کے لیئے ٹیمیں تشکیل دی جا چکی ہیں جلد کرپٹ افسران و اہلکاران کی باری آئے گی سابق وائس چیئرمین بلدیہ آصف رشید رحمانی ایڈووکیٹ نے کہا کہ اگر سابقہ ادوار کو دیکھا جائے تو جتنے بھی ترقیاتی منصوبے چوہدری مسعود احمد اور چوہدری محمود احمد نے منظور کروائے ہیں اگر ان کو نکال لیا جائے تو شہر ایک کھنڈر کا منظر پیش کرے گا مخالفین نے اپنے دور میں عوام کو دلاسوں کے سوا کچھ نہیں دیا
