دی یونیورسٹی آف لاہور میں یونیورسٹی کالج آف میڈیسن اینڈ ڈینٹسٹری ٟUCMDٞکے 16ویں کانووکیشن کا انعقاد کیا گیا جس میں صوبائی وزرا صحت خواجہ سلمان رفیق اور خواجہ عمران نذیر نے بطور مہمان خصوصی شرکت کی ۔ کانووکیشن میں چیئر مین بورڈ آف گورنرز دی یونیورسٹی آف لاہور اویس رئوف ، ڈپٹی چیئر مین عزیر رئوف ، ریکٹر پروفیسر ڈاکٹر محمد اشرف ، پرنسپل یو نیورسٹی کالج آف میڈیسن پروفیسر ڈاکٹر مہوش عروج ، پروریکٹر ناصر محمود ، وائس چانسلر فاطمہ جناح میڈیکل یونیورسٹی پروفیسر ڈاکٹر خالد مسعود گوندل ،وائس چانسلر چائلڈ ہیلتھ سائنسز پروفیسر ڈاکٹر مسعود صادق ، ڈاکٹر زاہد پرویز ، پرنسپل امیر الدین میڈیکل کالج ڈاکٹر الفرید ظفر،ڈاکٹر عاطف کاظمی ،ڈینز ، ڈائریکٹرزسمیت فیکلٹی ممبران سٹوڈنٹس اور انکے والدین کی بڑی تعداد نے شرکت کی۔کانووکیشن میں225سٹوڈنٹس کو میڈیسن اور ڈینٹسٹری میں ڈگریاں تقسیم کی گئیں ۔2سٹوڈنٹس کو گولڈ میڈل سے نوازا گیا ۔ڈگریاں وصول کرنے والوں میں 153سٹوڈنٹس ایم بی بی ایس پاس کرنے والے جبکہ 72گریجویٹس ڈینٹسٹری سے تھے ۔یونیورسٹی کالج آف میڈیسن اینڈ ڈینٹسٹری ابتک 2939گریجویٹس پروڈیوس کیے ہیں۔یو سی ایم ڈی کے کانووکیشن سے خطاب کر تے ہوئے صوبائی وزیر سپشلائزڈ ہیلتھ کیئر اینڈ میڈیکل ایجوکیشن خواجہ سلمان رفیق نے کامیاب ہونے والے گریجوایٹس اور ان کے والدین کو مبارکباد پیش کی
۔کامیاب ہونے والے طلبائ و طالبات کو اپنے والدین کو خراج تحسین پیش کرنا چاہئے۔ مجھے فخر ہے کہ میرے آبا¶اجداد نے اس ملک کی بنیاد میں اپنا حصہ ڈالا تھا۔پاکستان میں میڈیکل ایجوکیشن انتہائی اہم ہے۔وزیر اعلیٰ پنجاب مریم نواز شریف کی قیادت میں عوام کی خدمت کا سفر جاری رکھیں گے۔پنجاب میں چیف منسٹرز چلڈرن ہارٹ سرجری پروگرام، چیف منسٹرز ڈائیلسز پروگرام اور چیف منسٹرز سپیشل انشی ایٹو فار ٹرانسپلانٹ پروگرام، سٹیٹ آف دی آرٹ کینسر کیئر ہسپتال اور کارڈیک ہسپتال تعمیر کیے جا رہے ہیں۔ہماری حکومت نے 3000نرسز ،1200سپشلسٹ میڈیکل آفیسرز بھرتی کیے ہیں ۔انہوں نے کہا کہ یونیورسٹی آف لاہور میں کوالٹی ایجوکیشن دینے کے لیے بہترین ٹیچنگ سٹاف تعینا ت کیا گیا ۔ مجھے یقین ہے کہ آ پ لوگوں کے لیے ماہر ٹیچر رکھے گئے ہوں گے ۔یونیورسٹی آف لاہور اور یو سی ایم ڈی بلاشبہ ایم اے رئوف مرحوم کی محنت کا انتھک نتیجہ ہے ۔ امید کرتا ہوں انکے جانے کے بعد انتظامیہ معیار کر برقرار رکھے گی اور ملک بھرکے تعلیمی اداروں میں ایک منفر د مقام حاصل کرے گی۔ایم اے رئوف نے انسانیت کے لیے خدمات سرانجام دیں۔انہوںنے سکھایا کہ کس طرح قومی ترقی کے لیے کردار ادا کیا جا سکتا ہے۔میاں شہباز شریف کی قیادت میں فاطمہ جناح میڈیکل یونیورسٹی، راولپنڈی میڈیکل یونیورسٹی، فیصل آباد میڈیکل یونیورسٹی اور نشتر میڈیکل یونیورسٹی کی بنیاد رکھی۔حکومت پنجاب لاہور میں 82 ارب روپے کی لاگت سے ایشیائ کا سب سے بڑا نواز شریف انسٹی ٹیوٹ آف کینسر ٹریٹمنٹ اینڈ ریسرچ جبکہ سرگودھا میں 10 ارب روپے سے زائد کی لاگت سے نواز شریف انسٹی ٹیوٹ آف کارڈیالوجی بنا رہی ہے۔ پاکستان کے ڈاکٹرز کی پوری دنیا میں مانگ ہے۔یونیورسٹی آف لاہور کی فیکلٹی انتہائی پروفیشنل ہے۔پنجاب کی سرکاری طبی درسگاہوں میں کوالٹی ریسرچ پر خاص توجہ دی جا رہی ہے۔صوبائی وزیر پرائمری اینڈ سیکنڈری ہیلتھ کیئر خواجہ عمران نذیر نے کہا کہ ہم سے پہلی حکومت نے 65ہزار ڈاکٹرز بے روز گار کیے ۔ ہم نے اس حکومت میں ساڑھے چار ہزار ڈاکٹرز بھرتی کیے گزشتہ حکومت میں 1500ڈاکٹرز بھرتی کیے تھے ۔ آپ پر ذمہ داری عائد ہوتی ہے کہ جب فیلڈ میں بطور ڈاکٹر فرائض سرانجام دیں تو اپنے والدین اور انکی مشکلات کا لازمی سامنے رکھیے گا۔صوبائی وزیر صحت خواجہ عمران نذیر نے خطاب کر تے ہوئے فریش گریجویٹس اور ان کے والدین کو مبارکباد پیش کی ۔ انکا کہنا تھا کہ رزق دینے کا وعدہ اللہ تعالیٰ نے خود کیا ہے۔آزادی کی قیمت پوچھنی ہے تو غزہ کے لوگوں سے پوچھیں۔امید ہے آپ ہڑتالی نہیں بلکہ خدمت انسانیت کرنے والے ڈاکٹرز بنیں گے۔وزیر اعلیٰ پنجاب مریم نواز شریف کے ویږن کے مطابق 2500 بی ایچ یوز کو یورپ کی طرز پر ری ویمپ کیا جا رہا ہے۔حکومت پنجاب صحت کے شعبہ میں تاریخی اقدامات اٹھا رہی ہے۔ماضی میں ڈاکٹرز کے نام پر سیاست اور عوام کو گمراہ کرنے والے بہت آئے لیکن روزگار دینے والے نہیں دیکھے۔یہاں سے کچھ مسافت پر ہی اسٹیٹ آف دی آرٹ نواز شریف انسٹی ٹیوٹ آف کینسر ٹریٹمنٹ اینڈ ریسرچ بنایا جا رہا ہے۔چیئر مین بورڈ آف گورنرز دی یونیورسٹی آف لاہور اویس رئوف نے کانووکیشن سے خطاب کر تے ہوئے کہا کہ آج کا دن سٹوڈنٹس سے زیادہ والدین کے لیے باعث مسرت ہوتاہے کیونکہ انہوں نے 16سال آپ پر سرمایہ کاری کی ہوتی ۔آج کا کانووکیشن اس لیے بھی یادگار ہے کیونکہ آج یونیورسٹی آ ف لاہور کو قائم ہوئے 25سال مکمل ہو گئے ۔جنہوں نے اسکا خواب دیکھا تھا آج ان میں سے کوئی بھی ہمارے درمیان نہیں ہے لیکن انکا ویږن اور گائیڈ لائن ہمارے ساتھ رہے گی ۔جب میڈیکل اور ڈینٹل کالج سکول شروع کیا تھا توبہت سارے مسائل کا سامنا تھا لیکن ہم لوگوں نے ہمت نہیں ہاری اور آج ہمارا میڈیکل کالج پاکستان کے ٹاپ 10کالجز میں شمار ہوتا ہے۔یہاں ہر دن پہلے سے بہتر چیزیں پروڈیوس کی جاتی ہیں۔فیکلٹی ممبران کی کوشش ہوتی کہ سٹوڈنٹس کو بہترین تعلیم دی جائے ۔یونیورسٹی آف لاہور کا میڈیکل کالج آنے والے چند سالوں میں ملک بھر کے ساتھ ساتھ ریجن میں بھی نمایاں پوزیشن حاصل کرنے میںکامیاب ہو گا۔ کانووکیشن کے اختتام پر چیئر مین اویس رئوف نے مہمان خصوصی خواجہ سلمان رفیق اور خواجہ عمران نذیر کو یادگاری شیلڈ ز پیش کیں۔
