پریس ریلیز
ٹی ایم سیز کے ریٹائر ملازمین اور پینشنرز نےپینشن کے کیسز نہ لینے،ریٹائروفیملی پینشنرز کو 2017 سے واجبات یک عدام ادائیگی اور2019,2020 کی اضافی پینشن کی عدم ادائیگیوں کے خلاف کراچی بھر کی کالعدم ڈی ایم سیز کے ہیڈ آفسزاور ٹاؤنز دفاتر میں ریٹائر ملازمین کا احتجاج اور دھرنا۔یونینز کے رہنماؤں نے احتجاج میں شریک ہوکر یکجہتی کا اظہار کیا۔وزیر اعلی ہاؤس سندھ اسمبلی اور کے ایم سی ہیڈ آفس کے سامنے اسی ماہ احتجاج کا اعلان
کراچی( ) آل کے ایم سی ٹی ایم سیز ریٹائر ایمپلائزو پینشنرز الائنس کی کال پر گزشتہ روز کراچی کے ٹاونز کالعدم ڈی ایم سیز ہیڈ آفس پر ریٹائر ملازمین نے بھرپور احتجاج کیا۔ اس سلسلے میں کالعدم بلدیہ جنوبی کے صدر ٹاون میں یونائیٹڈ ورکرز یونین،متحدہ ورکرز فرنٹ ،سجن یونین کے رہنماوں حبیب الرحمن اعوان،نظام الدین،محمد راشد،مزمل شاہ،عبدالوسام،پھول محمد،الیاس جدون نے احتجاج کی قیادت کی۔لیاری ٹاون میں پیپلز یونائیٹڈ ورکرز یونین ،پیپلز یونٹی،پیپلز لیبر یونین ،سجن یونین کے رہنماوں جاوید بلوچ،اشرف اعوان،اسلم بزنجو ،صابر برکت ،فرانسیس بھٹی کی قیادت میں احتجاج ہوا۔کالعدم بلدیہ شرقی کے چار ٹاونز جناح،گلشن اقبال،چنیسر،صفوراں کے ریٹائر ملازمین نے یونائیٹڈورکرز یونین،سجن یونین کے رہنماوں سید ذوالفقارشاہ ،ملک امیر اعظم ,ملک اعجاز،الیاس سندھو،امجد غوری،زاہد حسین جعفری،الیاس مٹو ،محمدعلی،عمران حسین، عباس احمد کی قیادت میں احتجاج ہوا۔کالعدم بلدیہ کورنگی کے شاہ فیصل ٹاون میں لانڈھی،کورنگی ٹاونز کی اربن لیبر یونین مہاجر قومی موومنٹ ،سجن یونین،ٹیچرز الائنس،کےایم سی جوائنٹ ایمپلائز ایکشن کمیٹی کے عمران علی،میڈم مذین,اکبر علی،محمد جعفر،عارف خان ،نعیم جمال نے احتجاج کی قیادت کی۔کالعدم بلدیہ وسطی کے ہیڈآفس لیاقت آباد ٹاون میں مسلم لیگ فنگشنل لیبر ونگ ،سجن یونین،ٹیچرز الائنس کےسید ولی وارثی،سید ذوالفقارشاہ ،عباس احمد،محمد اعجاز اور دیگر نے احتجاج کی قیادت کی۔کالعدم بلدیہ کیماڑی کے ہیڈ آفس موڑرو میر بحر ٹاون میں سجن یونین ،پینشنرز الائنس کے سید ذوالفقارشاہ،ریحان قاضی،عباس احمد،محمد رفیق،سیموئیل اور دیگر نے احتجاج کی قیادت کی۔کالعدم بلدیہ ملیر کے ہیڈ آفس ملیر ٹاون میں محمد بشیر،عاقل شاہ کی قیادت میں احتجاج کیا گیا۔اس موقع پر خطاب کرتے ہوئے الائنس کے صدر سید ذوالفقارشاہ اور دیگر مقررین نے کہا کہ ملک بھر کے محنت کش اب متحد ہوکر 10 فروری کو اسلام آباد میں پینشن اصلاحات،مراعات میں مسلسل کمی اور خاتمے کے خلاف دھرنا دے رہے ہیں۔آج کا کراچی بھر کے ٹاونز میں ٹی ایم سیز کے دو ہزار سے زائد ریٹائر ملازمین کے پینشن کیسز نہ لینے،2017 سے ریٹائر ووفات پاجانے والے9 ہزار سے زائد پینشنرز وفیملی پینشنرز کے واجبات کی عدم ادائیگی،24 ہزار سے زائد پینشنرز کو2019 اور 2020 کی اضافہ کردہ پینشن کی عدم ادائیگی کے خلاف احتجاج اسی سلسلے کی کڑی ہے۔اب بھی اگر مسئلہ حل نہ کیا گیا تو پھر وزیراعلی سندھ ہاوس ،سندھ اسمبلی بلڈنگ ،کے ایم سی بلڈنگطکے سامنے اسی ماہ بھرپور احتجاج کیا جائے گا۔خرابی صورتحال کی زمہ دار حکومت سندھ اور کے ایم سی پرعائد ہوگی۔اس موقع پر زبردست نعرے بازی کی گئی۔مظاہرین نے ہاتھوں میں بینر،پلے کارڈز اٹھارکھے تھے جن پر مطالبات درج تھے۔بعدازاں مظاہرین احتجاج اور دھرنے کے بعدپرامن طور پر منتشر ہوگئے۔آخر میں الائنس کے سربراہ نے ریٹائر ملازمین اور پینشنرز کو کامیاب احتجاج پر مبارکباد پیش کی۔
جاری کردہ
شعبہ اطلاعات
