کراچی
صنعتی ایریا میں صنعتی فضلے و کچرے جمع ہونے اور کچرے کو آگ لگائے جانے سے متعلق عوامی شکایات پر بات چیت
کراچی 07- فروری ۔ریجنل ڈائریکٹر محتسب سندھ ضلع کیماڑی و غربی آفتاب احمد کھتری کی سائٹ ایسوسی ایشن آف انڈسٹریز کے صدر احمد عظیم علوی سے انکے دفتر میں ملاقات کی اور صنعتی ایریا میں صنعتی فضلے و کچرے جمع ہونے اور کچرے کو آگ لگائے جانے سے متعلق عوامی شکایات پر بات چیت کی۔ ملاقات میں فیکٹری مالکان اور عوام کو فیکٹری ایریا میں غیر قانونی تجاوزات اور کچرے کے ڈھیر جمع ہونے جبکہ سندھ سولڈ ویسٹ مینجمنٹ بورڈ کی جانب سے کچرا نہ ہٹائے جانے پر بھی تبادلۂ خیال ہوا۔ ملاقات میں ریجنل ڈائریکٹر صوبائی محتسب آفتاب احمد کھتری نے معاہدے کے مطابق سائیٹ ایسوسی ایشن کی جانب سے سندھ سولڈ ویسٹ مینجمنٹ بورڈ کو کچرا اٹھانے کی مد میں رقم کے بقایاجات ادا کرنے پر زور دیا۔ انھوں نے سائیٹ ایسوسی ایشن کو یقین دلایا کہ وہ صوبائی محتسب سندھ کی جانب سے سندھ سولڈ ویسٹ مینجمنٹ بورڈ سے بھی ملاقات کرکے معاملے کو افہام و تفہیم سے حل کروانے میں اپنا کردار ادا کریں گے۔ انھوں نے صوبائی محتسب سندھ کے اغراض و مقاصد، طریقۂ کار اور عوامی آگاہی مہم سے متعلق بھی آگاہ کیا۔
ہینڈآؤٹ نمبر 164۔۔۔ ایس اے بی
ڈائریکٹو ریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ07فروری 2025
کراچی 07- فروری حکومت سندھ نے صوبے بھر میں سڑکوں کی حفاظت کے قوانین پر عملدرآمد کے لیے روڈ چیکنگ کمیٹی تشکیل دے دی ہے۔ روڈ چیکنگ کمیٹی تجارتی گاڑیوں ڈمپرز اور واٹر ٹینکروں کی نگرانی کرے گی۔ صوبائی ٹرانسپورٹ اتھارٹی کے سیکریٹری روڈ چیکنگ کمیٹی کی صدارت کریں گے، تاہم، سیکریٹری ریجنل ٹرانسپورٹ اتھارٹی کراچی، ٹریفک پولیس کے نمائندے، اور ایم وی آئی ونگ حکومت سندھ کے تین موٹر وہیکل انسپکٹر بھی کمیٹی میں شامل ہونگے۔ کمیٹی کی ذمہ داریوں میں تجارتی گاڑیوں کے ضروری دستاویزات جیسے رجسٹریشن بک، روٹ پرمٹ، فٹنس سرٹیفکیٹ، اور ڈرائیونگ لائسنس کی جانچ کرنا شامل ہے، اوور لوڈنگ، اوور اسپیڈنگ اور دیگر ٹریفک خلاف ورزیوں کے روک تھام کے لئے کمیٹی مخصوص سڑکوں پر چیکنگ بھی کرے گی۔ سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کہا ہے کہ سڑکوں پر شہریوں کا تحفظ اور ان کی فلاح و بہبود حکومت سندھ کی اولین ترجیح ہے۔ انہوں نے کہا کہ انسانی زندگیوں کو خطرے میں ڈالنے والی کسی بھی خلاف ورزی کو برداشت نہیں کریں گے، حکومتی اقدامات کا مقصد ٹریفک خلاف ورزیوں کو مؤثر طریقے سے نمٹ کر سڑکوں کو زیادہ محفوظ بنانا ہے۔
ہینڈآؤٹ نمبر 165۔۔۔
ڈائریکٹو ریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ07فروری 2025
پولیو مہم کے دوران ڈیوٹی میں غفلت برتنے پر11 تپے دار معطل
چیف سیکریٹری سندھ کی ہدایت پر کمشنر کراچی نے نوٹیفکیشن جاری کردیا
کراچی 07- فروری ۔سندھ حکومت نے پولیو مہم کے دوران ڈیوٹی میں غفلت برتنے والے 11 تپے داروں کو معطل کر دیا ہے۔ چیف سیکریٹری سندھ آصف حیدر شاہ کی خصوصی ہدایت پر کمشنر کراچی نے معطلی کا نوٹیفکیشن جاری کر دیا۔ یہ کارروائی اس بات کو یقینی بنانے کے لیے کی گئی ہے کہ پولیو مہم کے دوران کوئی کوتاہی یا لاپرواہی برداشت نہ کی جائے گی۔ ترجمان چیف سیکریٹری سندھ کے مطابق معطل ہونے والے تپے دار ضلع ملیر اور ضلع ویسٹ کے مختلف سب ڈویژنز میں تعینات تھے۔ معطلی کے احکامات کے تحت منشی ظفر خاصخیلی، علی گل کلوڑ، سرفراز کٹپر، نور الدین جکھرانی، مزار خان بجارانی، امان اللہ، سلیم رضا، منشی ممتاز کلوڑ، عابد شاہ، دہنی بخش اور عبدالقادر کو فوری طور پر ان کے عہدوں سے ہٹا دیا گیا ہے۔چیف سیکریٹری سندھ آصف حیدر شاہ نے واضح ہدایات جاری کی ہیں کہ ضلعی انتظامیہ، محکمہ ریونیو، بلدیات اور ٹاؤن ملازمین پولیو ٹیموں کی مکمل معاونت کے لیے فیلڈ میں موجود رہیں تاکہ انسداد پولیو مہم کو مؤثر اور کامیاب بنایا جا سکے۔ انہوں نے مزید کہا کہ سرکاری ملازمین کی غیر حاضری اور فرائض میں غفلت کسی صورت برداشت نہیں کی جائے گی اور آئندہ کسی بھی کوتاہی پر سخت کارروائی عمل میں لائی جائے گی۔ چیف سیکریٹری سندھ نے تمام متعلقہ محکموں کو ہدایت کی ہے کہ پولیو مہم کے دوران کسی بھی طرح کی کوتاہی کے مرتکب افسران اور ملازمین کے خلاف فوری ایکشن لیا جائے اور رپورٹ متعلقہ حکام کو پیش کی جائے۔ سندھ حکومت انسداد پولیو مہم کو ہر حال میں کامیاب بنانے کے لیے پرعزم ہے اور اس سلسلے میں کوئی کوتاہی برداشت نہیں کی جائے گی۔
ہینڈآؤٹ نمبر 166۔۔۔ایف آئی جے
ڈائریکٹو ریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ07فروری 2025
درخواست برائے ٹکرز
حکومت سندھ نے صوبے بھر میں سڑکوں کی حفاظت کے قوانین پر عملدرآمد کے لیے “روڈ چیکنگ کمیٹی” تشکیل دے دی
کمیٹی موٹر وہیکل قوانین ریگولیشنز 1965 اور روڈ سیفٹی ایکٹ 1985 کے تحت تشکیل دی گئی
کمیٹی موٹر وہیکل آرڈیننس 1965 اور موٹر وہیکل رولز 1969 تجارتی گاڑیوں ڈمپرز اور واٹر ٹینکروں کی نگرانی کرے گی
روڈ چیکنگ کمیٹی کی صدارت سیکریٹری صوبائی ٹرانسپورٹ اتھارٹی سندھ کریں گے
سیکریٹری ریجنل ٹرانسپورٹ اتھارٹی کراچی، ٹریفک پولیس کے نمائندے، اور ایم وی آئی ونگ حکومت سندھ کے تین موٹر وہیکل انسپکٹر شامل ہوں گے
کمیٹی کی ذمہ داریوں میں تجارتی گاڑیوں کے ضروری دستاویزات جیسے رجسٹریشن بک، روٹ پرمٹ، فٹنس سرٹیفکیٹ، اور ڈرائیونگ لائسنس کی جانچ کرنا شامل ہے
اوور لوڈنگ، اوور اسپیڈنگ اور دیگر ٹریفک خلاف ورزیوں کے روک تھام کے لئے کمیٹی مخصوص سڑکوں پر چیکنگ بھی کرے گی
سڑکوں پر شہریوں کا تحفظ اور ان کی فلاح و بہبود حکومت سندھ کی اولین ترجیح ہے، شرجیل انعام میمن
انسانی زندگیوں کو خطرے میں ڈالنے والی کسی بھی خلاف ورزی کو برداشت نہیں کریں گے، شرجیل انعام میمن
حکومتی اقدامات کا مقصد ٹریفک خلاف ورزیوں کو مؤثر طریقے سے نمٹ کر سڑکوں کو زیادہ محفوظ بنانا ہے، شرجیل انعام میمن
ڈائریکٹو ریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ07فروری 2025
درخواست برائے ٹکرز
پولیو ڈیوٹی غفلت/ 11 تپے دار معطل
پولیو مہم کے دوران ڈیوٹی میں غفلت برتنے پر 11 تپے داروں کو معطل کر دیا گیا۔ ترجمان چیف سیکریٹری سندھ
چیف سیکریٹری سندھ کی ہدایت پر کمشنر کراچی نے معطلی کا نوٹیفکیشن جاری کر دیا
ضلع ملیر اور ضلع ویسٹ کے مختلف سب ڈویژنز میں تعینات تاپیدار معطل
معطل شدہ تپے داروں میں منشی ظفر خاصخیلی، علی گل کلہوڑ، سرفراز کٹپر شامل۔ ترجمان
نور الدین جکھرانی، مزار خان بجارانی، امان اللہ، سلیم رضا کو بھی معطل کر دیا گیا۔ ترجمان
منشی ممتاز کلہوڑ، عابد شاہ، دہنی بخش، عبدالقادر بھی معطل
ضلعی انتظامیہ، محکمہ روینیو اور بلدیات، اور ٹائون ملازمین پولیو ٹیم کی معاونت کے لیے فیلڈ میں موجود رہیں۔ چیف سیکریٹری سندھ آصف حیدر شاہ
پولیو ڈیوٹی سے غیر حاضر سرکاری ملازمین کے خلاف سخت ایکشن کیا جائے گا۔ چیف سیکریٹری سندھ آصف حیدر شاہ
ڈائریکٹو ریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ07فروری 2025
درخواست برائے ٹکرز
وزیر بلدیات سندھ سعید غنی کی زیر صدارت سہراب گوٹھ ٹائون کے حوالے اجلاس منعقد ہوا۔
اجلاس میں ایڈیشنل چیف سیکریٹری سندھ سید خالد حیدر شاہ، ٹائون چیئرمین لالہ رحیم، ڈپٹی کمیشنر ایسٹ ابرار جعفر، ڈی آئی جی ایسٹ عثمان غنی، ایس ایس پی ایسٹ ڈاکٹر فرخ راجہ، سنئیر ڈائریکٹر اینٹی انکروچمنٹ کے ایم سی عمار خان، ڈائریکٹر ہیڈ کوارٹر اینٹی انکروچمنٹ کے ایم سی صائم عمران خان، میونسپل کمیشنر سہراب گوٹھ ٹائون سمیت دیگر نے شرکت کی۔
اجلاس میں سہراب گوٹھ ٹائون میں درپیش مسائل، انکروچمنٹ، برساتی نالے سمیت دیگر مسائل کے حوالے سے تفصیلی تبادلہ خیال کیا گیا۔
ڈپٹی کمیشنر ایسٹ اس حوالے سے ٹائون انتظامیہ اور پولیس کی مدد سے ایسا لائحہ عمل مرتب کرے جس سے سہراب گوٹھ ٹائون کے عوام کو زیادہ سے زیادہ ریلیف فراہم کیا جاسکے۔ سعید غنی
برساتی نالے اور سیوریج کے حوالے سے ٹائون انتظامیہ اقدامات کو یقینی بنائے اور اگر کسی جگہ سندھ حکومت کی مدد درکار ہوئی ہم وہ مدد کریں گے۔ سعید غنی
ہماری تمام ٹائونز میں بھرپور کوشش ہوگی کہ وہاں انکروچمنٹ کے خاتمہ، برساتی نظام کی درستگی، سیوریج اور پانی کے نظام کی بہتری سمیت دیگر امور سرانجام دئیے جائیں۔ سعید غنی
شہر سے تجاوزات کے خاتمہ کیلئے جلد ہی حکمت عملی مرتب کی جارہی ہے، جس میں تمام اسٹیک ہولڈرز کو آن بورڈ لیا جائے گا۔ سعید غنی
تجاوزات کے خلاف گرانڈ آپریشن بلا کسی تفریق کے جلد ہی شہر بھر کے تمام ٹاؤنز میں شروع کیا جارہا ہے، تاکہ عوام کو درپیش مشکلات سے نجات دلائی جاسکے۔ سعید غنی
