صوبائی وزیر صحت خواجہ سلمان رفیق کی زیر صدارت پنجاب ہیلتھ انشی مینجمنٹ کمپنی میں بورڈ آف ڈائریکٹرز کا 91 واں اجلاس منعقدہوا۔اجلاس کے دوران پی ایچ آئی ایم سی کے مختلف ایجنڈے پیش کئے گئے۔اجلاس کے دوران پنجاب ہیلتھ انشی مینجمنٹ کمپنی کے بورڈ آف ڈائریکٹرز کے 90 ویں اجلاس کے منٹس کی منظوری دی گئی۔اجلاس کے دوران چیف منسٹرز سپیشل انشی ایٹو فار ٹرانسپلانٹ پروگرام سے متعلق مختلف اہم فیصلے کئے گئے۔
صوبائی وزیر صحت خواجہ سلمان رفیق نے کہاکہ وزیر اعلیٰ پنجاب مریم نواز شریف کی قیادت میں صحت کے شعبہ میں تاریخی اور بنیادی اقدامات اٹھائے جا رہے ہیں۔ چیف منسٹرز ڈائیلسز پروگرام، چیف منسٹرز سپیشل انشی ایٹو فار ٹرانسپلانٹ پروگرام اور چیف منسٹرز چلڈرن ہارٹ سرجری پروگرام حکومت پنجاب کے صحت کے شعبہ میں فلیگ شپ پروگرامز ہیں۔ ان تینوں پروگرامز پر عملدرآمد کو یقینی بنانے کیلئے پنجاب ہیلتھ انشی مینجمنٹ کمپنی کو ایگزی کیوٹنگ ایجنسی بنایا گیا ہے۔ خواجہ سلمان رفیق نے کہاکہ چیف منسٹرز سپیشل انشی ایٹو فار ٹرانسپلانٹ پروگرام کے پورے نظام کو انتہائی شفاف بنایا گیا ہے۔ ایک متوسط گھرانے کیلئے ٹرانسپلانٹ نہ ممکن ہے۔ حکومت پنجاب نے ٹرانسپلانٹ کروانے والے اور علاج کا خرچہ برداشت نہ کرنے والے مریضوں کی آسانی کیلئے ہی یہ پروگرام شروع کیا ہے۔ چیف منسٹرز سپیشل انشی ایٹو فار ٹرانسپلانٹ پروگرام کیلئے تمام سٹیک ہولڈرز کے ساتھ سفارشات کو حتمی شکل دی جا چکی ہے۔ اس پروگرام کے تحت مختلف ہسپتالوں کو ام پینل بھی کیا جا رہا ہے۔ اس حوالے سے ٹیکنیکل کمیٹی کے ممبران نے مارکیٹ سروے بھی مکمل کر لیا ہوا ہے۔وزیرصحت پنجاب نے کہاکہ دکھی انسانیت کے زخموں پر مرہم رکھنے کا ہر منصوبہ شروع کیا گیا ہے۔
اجلاس میں سیکرٹری محکمہ سپیشلائزڈ ہیلتھ کیئر اینڈ میڈیکل ایجوکیشن عظمت محمود اور سپیشل سیکرٹری ڈویلپمنٹ ذیشان شبیر رانا نے شرکت کی۔اجلاس میں سی ای او پی ایچ آئی ایم سی ڈاکٹر علی رزاق، سی ای او پنجاب ہیلتھ کیئر کمیشن ڈاکٹر ثاقب عزیز، ڈاکٹر زاہد پرویز، پی آئی ٹی بی سے ڈائریکٹر نوشین فیاض، ڈاکٹر شجاعت علی، پروین آغا، ممبر ہیلتھ پی اینڈ ڈی شفاعت علی، ایڈیشنل سیکرٹری محکمہ فنانس بلال احمد و دیگر نے شرکت کی۔ویڈیو لنک کے ذریعے ڈاکٹر عدنان خان اور چوہدری سلطان محمود نے بھی شرکت کی۔
