پریس ریلیز
ناظم آباد ٹاون میں کلک کے زیر اہتمام جائیداد سروے کے حوالے سے تقریب کا انعقاد،
جائیداد سروے رہائشی، تجارتی، اور صنعتی جائیدادوں کا احاطہ کرے گا
پراپرٹی ٹیکس کی آمدنی سے ٹاون کی ترقی کی رفتار تیز ہوگی،: سید محمد مظفر
جائیدادٹیکس نظام کو جدید بنانے سے ٹاون کی ترقی کی راہ ہموار ہوگی: نعمان صدیقی
مورخہ: 03 جنوری 2025
کراچی ( ) ناظم آباد ٹاون میں ورلڈ بینک کے ماتحت ادارے کلک کے زیر اہتمام جائیداد سروے کے حوالے سے تقریب کا انعقاد، اس موقع پر چیئرمین ناظم آباد ٹاون سید محمد مظفر، وائس چیئرمین نعمان صدیقی، میونسپل کمشنر اطہر سعید خان، یوسی چیئرمینز، اوئس چیئر مینز، ڈائریکٹر سینی ٹیشن ظہیر احمد، فوکل پرسن کلک راشد ہاشمی، ڈائریکٹر ایڈورٹائزمنٹ آصف بیگ، کلک کے UIPT کے ہیڈ آ غا مرتضیٰ علی، کمیونییکشن اسپیشلسٹ مدیحہ مسعود اور دیگر بلدیاتی افسران بھی موجود تھے،تقریب سے خطاب کرتے ہوئے چیئرمین ناظم آباد ٹاون سید محمد مظفر نے کہا کہ سندھ حکومت نے پراپرٹی ٹیکس ٹاونز کے حوالے کردیا ہے، اس ٹیکس سے ناظم آباد ٹاون کی آمدنی میں اضاٖفہ ہوگا، اور ٹاون کی ترقی کی رفتار تیز ہوگی، 
وائس چیئرمین نعمان صدیقی نے کہا کہ کلک کے سروے سے ٹاون کو فائدہ پہنچے گا اور ہم ناظم آباد ٹاون میں مزید ترقی کے کام کرسکیں گے، کلک کے نمائندے آغا مرتضیٰ علی نے کہا کہ پائیدار ترقی کے لئے کلک کے زیر اہتمام ٹاون میونسپل کارپوریشنز میں گھر گھر جاکر اعداد و شمار جمع کئے جارہے ہیں یہ سروے رہائشی، تجارتی، اور صنعتی جائیدادوں کا احاطہ کرے گا، انہوں نے کہا کہ اس سروے سے ٹاون کے عوام کی بہتر خدمت ممکن ہوگی، کلک کی جانب سے جائیدادٹیکس نظام کو جدید بنایا جارہا ہے، اس نظام کے کے زریعے پیدا ہونے اضافی آمدنی مقامی کونسلوں کو شہری خدمات اور انفراسٹرکچر کو اپ گریڈ کرنے کے قابل بنائے گی، یہ جدید طریقہ کار ٹاونز کی بلدیاتی آمدنی میں نمایاں اضافہ کرے گا جو ٹاون کی پائیدار اقتصادی ترقی کی راہ ہموار کرے گا۔
فہیم مصطفی
ڈائریکٹر انفارمیشن
