جیکب آبادجمعیت علماء اسلام سندھ کے ترجمان ڈاکٹر اے جی انصاری نے پیکا ترمیمی بل کو صحافت کی آزادی پر حملہ قرار دیا ہے انہوں نے کہا کہ پیکا ترمیمی بل کے ذریعے صحافیوں کو خاموش کرنے اور ان کے حقوق محدود کرنے کی کوشش کی جا رہی ہے، جس کو کسی صورت قبول نہیں کیا جائے گا انہوں نے کہا کہ یہ عمل ملک میں جمہوریت کے بنیادی اصولوں کے خلاف ہے حکومت جلد صحافیوں کے مسائل حل کرے ورنہ یہ بل ملک میں مظاہروں اور صحافتی برادری کے سخت ردعمل کا سبب بن جائے گا انہوں نے کہا کہ جے یو آئی صحافت کی آزادی کے حق میں ہر فورم پر آواز بلند کرے گی انہوں نے کہا کہ جے یو آئی کا سینٹ میں کامران مرتضیٰ سمیت سینیٹرز کا بائیکاٹ صحافیوں سے یکجہتی کا ثبوت ہے اور مطالبہ کیا کہ پیکا ترمیمی بل کو واپس لیا جائے۔
جماعت اسلامی کی جانب سے بدامنی کے خلاف ایس ایس پی آفیس کے سامنے دھرنا۔ تفصیلات کے مطابق جیکب آباد میں جماعت اسلامی کی جانب سے ضلع سمیت سندھ بھر میں بڑھتی ہوئی بدامنی کے خلاف احتجاجی جلوس نکال کر ایس ایس پی آفیس کے سامنے دھرنا دیا گیا کارکنان نے بدامنی کے خلاف سخت نعریبازی کی، اس موقع پر شہر کی دیگر سیاسی، سماجی و مذہبی جماعتوں کے کارکنان و رہنماؤں نے بھی دھرنے میں شرکت کی، ایس ایس پی آفیس کے سامنے دھرنے سے صوبائی رہنما حزب اللہ جکھرو، حاجی ، ہدایت ، غلام حیدر پیرزادہ اور دیگر نے خطاب کرتے ہوئے کہا کہ ضلع جیکب آباد میں بدامنی عروج پر ہے ڈکیتی، چوری، لوٹ مار اور اغوا کی وارداتیں معمول بن چکی ہیں بدامنی کی وجہ سے عوام عدم تحفظ کا شکار ہوچکے ہیں، انہوں نے کہا کہ سندھ حکومت امن و امان کو بحال کرنے میں مکمل ناکام ہوچکی ہے پولیس میں سیاسی مداخلت کی وجہ سے پورا صوبہ ڈاکوؤں کے حوالے ہوچکا ہے، انہوں نے کہا کہ بدامنی کی وجہ سے کاروبار بھی شدید متاثر ہورہا ہے، انہوں نے مطالبہ کیا کہ امن و امان کو بحال کو عوام کو تحفظ فراہم کیا جائے۔
جیکب آباد میں تیز رفتار چنگچی رکشوں میں تصادم، 5 خواتین سمیت 9 افراد زخمی۔ تفصیلات کے مطابق جیکب آباد کے صدر تھانہ کی حدود بائی باس کے مقام پر دو تیز رفتار چنگچی رکشوں میں تصادم ہوگیا جس کے نتیجے میں 5 خواتین سمیت 9 افراد زخمی ہوگئے، زخمیوں میں کشمور کے رہائشی ایاز اعوان، امتیاز، رفیق اعوان اور گڑہی خیرو کے رہائشی غلام حسین بروہی، مسمات خان بی بی، پروینہ، جیجل، ریشماں، جمیلہ شامل ہیں، زخمیوں کو سول اسپتال منتقل کیا گیا جہاں انہیں طبی امداد دی گئی، زخمیوں کی حالت خطرے سے باہر بتائی جاتی ہے۔
===================
جیکب آباد کی اھم خبریں رپورٹ ایم ڈی عمرانی
جیکب آباد کے74 اساتذ ہ گھوسٹ قرار،6فروری کو ڈائریکٹر نے طلب کر لیا،چیف مانیٹرنگ افسر کی رپورٹ پر تدریسی عملے کو طلب کیا گیا تفصیلات کے مطابق جیکب آباد کے 74تدریسی عملے کو گھوسٹ قرار دیا گیا ہے اور چیف مانیٹرنگ افسر کی رپورٹ پر مذکورہ اساتذہ کو 6فروری کو ڈائریکٹرسیکنڈری ایجوکیشن لاڑکانہ نے طلب کر لیا ہے جس کے بعد تدریسی عملے میں کھلبلی مچ گئی ہے اس سلسلے میں ذرائع کے مطابق ایجنٹوں نیلین دین کا سلسلہ شروع کر دیا ہے دس ہزار سے لیکر پچاس ہزار تک رشوت وصول کرنے کی اطلاعات ہیں،اس سلسلے میں رابطے پر ڈی او پرائمری مشتاق سدہایو کا کہنا تھاکہ مانیٹرنگ ٹیم کی رپورٹس پر کاروائی کی گئی ہے ابتدائی طور پر پہلے فہرست جاری کی گئی ہے بعد میں مرحلے وار گھوسٹ عملے کی فہرست جاری کی جائے گی،ذرائع کا کہنا ہے کہ کمائی کے لئے یہ سلسلہ شرو ع کیا گیا ہے گھوسٹ تو سینکڑوں میں ہے جو کراچی حیدر آباد او رملک کے دیگر شہریوں میں مقیم ہیں او رگھر بیٹھے تنخواہیں بٹور رہے ہیں او رہر ماہ مانیٹرنگ اسسٹنٹ ان سے وصولی کرتے ہیں یہ لسٹ ماہوار بھتہ بڑھانے اور ڈرانے کے لئے جاری کی گئی ہے۔
جیکب آباد میں مسلح افراد کی حاملہ خاتون سے مبینہ زیادتی،متاثر خاتون کے شوہر نے لاہور سے ڈی این اے کرانے کے لئے سیشن جج کی عدالت میں درخواست دائر کردی تفصیلات کے مطابق جیکب آباد کے صدر تھانہ کی حدود میں مسلح افراد کی جانب سے حاملہ خاتون شاہدہ سرکی کو زیادتی کا نشانہ بنانے کے واقع پر جامشورو کی ڈی این رپورٹ پر عدم اعتماد کے بعد متاثرہ خاتون کے شوہر محنت کش امتیاز سرکی کی لاہور سے دوبارہ ڈی این اے کرانے کے لئے سیشن جج جیکب آباد کی عدالت میں درخواست دائر کی گئی ہے اس سلسلے میں مدعی امتیاز سرکی کا کہنا ہے کہ ملزمان بااثرہیں پولیس ان سے ملی ہوئی ہے جامشور کی ڈی این اے رپورٹ تبدیل کی گئی ہے لاہور سے دوبارہ ڈی این اے کرائی جائے لیکن پولیس کی جانب سے تاخیری حربے اختیار کئے جا رہے ہیں انصاف کیا جائے دربدر کی ٹھوکریں کھا رہے ہیں کوئی داد رسی کرنے والا نہیں۔
جیکب آباد میں دیہاتی کا زمین پر قبضے،کھاتے میں ہیرا پھیری کے خلاف احتجاج،ملوث روینیو عملے کے خلاف کاروائی اور زمین واگزار کرانے کا مطالبہ تفصیلات کے مطابق جیکب آبا دکے دیہاتی مجاہد صاگوانی جکھرانی نے ایوان صحافت کے سامنے داد پور جاگیر میں وارڈkr08کے چک نمبر 1,2,3کی 277ایکڑ زمین پر قبضہ کیا گیا ہے اسسٹنٹ کمشنر کی کھلی کچہر ی میں شکایت کی لیکن کوئی ازالہ نہیں ہوا،ڈی سی سے ملا پھر بھی کوئی داد رسی نہیں کی گئی ٹال مٹول سے کام لیا جارہا ہے میرے والد عبدالرزاق جکھرانی 1981اور چچالیاقت علی 1980میں فوت ہوئے تو سروے نمبر 18,19جانی دیر و جاگیر میں 1994میں کھاتے کیسے تبدیل ہوئے روینیو عملہ ملوث ہے زمین کے کھاتے میں ہیرا پھیر ی کی گئی ہے اور جعلی کھاتے بنائے گئے ہیں کمشنر کو بھی شکایت کی لیکن ضلعی حکام نے کمشنر کے احکامات پر بھی عمل نہیں کیا اینٹی کرپشن میں درخواست دائر کی ہے میری زمین پر سے قبضہ واگزار کروایاجائے اور انصاف کرکے جعلی کھاتوں میں ملوث روینیو عملے اور مختیارکار کے خلاف کاروائی کی جائے۔
جیکب آباد میں دن دیہاڑے تین مسلح افراد کی موٹر سائیکل چھیننے کی کوشش،نوجوان کے شو ر مچانے پر لوگ جمع دو ڈکیت کو پکڑ کر پولیس کے حوالے کیا گیا ایک فرار تفصیلات کے مطابق جیکب آباد کے سٹی تھانہ کی حدود قائد اعظم روڈپر موٹر سائیکل سوار تین مسلح افراد نے پریم کمار سے موٹر سائیکل چھیننے کی کوشش کی نوجوان کے شور مچانے پر لوگ جمع ہو گئے اور پولیس بھی پہنچ گئی دو ڈکیتوں کو شہریوں نے پکڑ کر پولیس کے حوالے کیا جبکہ ایک فرار ہونے میں کامیاب ہو گیا گرفتار ایک ڈکیت کی شناخت امتیاز بروہی کے طور پر ہوئی ہے جبکہ ایک کی شناخت کو پولیس نے مخفی رکھا ہوا ہے تاحال واقع کا مقدمہ درج نہیں کیا جاسکا تھا۔
=====================
لاہور امارتِ اسلامیہ افغانستان کے اسلامی نظام کے مکمل نفاذ کی کوششوں پر طاغوتی قوتوں کے حملے انتہائی تشویش ناک ہیں ، علامہ شجاع الدین شیخ
لاہور امارتِ اسلامیہ افغانستان کے اسلامی نظام کے مکمل نفاذ کی کوششوں پر طاغوتی قوتوں کے حملے انتہائی تشویش ناک ہیں۔ یہ بات تنظیم اسلامی کے امیر شجاع الدین شیخ نے ایک بیان میں کہی۔ اُنہوں نے کہا کہ اس میں کوئی شک نہیں کہ افغان طالبان کی حکومت نے گزشتہ تقریباً ساڑھے تین سال کے دوران افغانستان میں اسلامی نظام کے نفاذ میں نہ صرف بڑی حد تک کامیابی حاصل کی ہے بلکہ جن امور میں بہتری کی گنجائش تھی اُن پر بھی بھرپور توجہ دی ہے جو طاغوتی قوتوں اور عالمی استعماری اداروں کے لیے زہرِ قاتل سے کم نہیں۔ لہٰذا عالمی فوجداری عدالت (ICC) ،جس کی حیثیت امریکہ کی کنیز سے بڑھ کر نہیں، اُس کے پراسیکیوٹر کریم خان (قادیانی) نے افغان طالبان کے امیر ہیبت اللہ اخوندزادہ اور امارتِ اسلامیہ افغانستان کے چیف جسٹس عبدالحکیم حقانی پر افغان لڑکیوں، خواتین اور LGBTQ پر مظالم کے الزام میں وارنٹ گرفتاری جاری کرنے کی درخواست کی ہے ، حقیقت یہ ہے کہ اس سے قبل ICC نے غزہ کے مسلمانوں پر ساڑھے 13 ماہ کی مسلسل اسرائیلی بمباری کو پسِ پشت ڈالتے ہوئے اسرائیلی وزیراعظم نیتن یاہو اور سابق وزیر دفاع یوو گیلنٹ کے خلاف محض دو معمولی واقعات کی بنیاد پر وارنٹ گرفتاری جاری کئے تھے، جنہیں اسرائیلی اعلیٰ عہدے داروں اور امریکہ سمیت دیگر مغربی ممالک نے ردی کی ٹوکری کی نظر کر دیا تھا ، انہوں نے کہا کہ ICC کا حالیہ قدم چند روز قبل اسلام آباد میں منعقد ہونے والی ’’لڑکیوں کی تعلیم‘‘پر کانفرنس کا تسلسل دکھائی دیتا ہے، جس میں ملالہ یوسف زئی نے اپنی تقریر میں امارتِ اسلامیہ افغانستان کے خلاف الزامات کی بوچھاڑ کر دی تھی جبکہ حقیقت تو یہ ہے کہ امارتِ اسلامیہ افغانستان اسلامی تعلیمات کے مطابق خواتین کی تعلیم کا انتظام کرنے پر پیش رفت کر رہی ہے ، پھر یہ کہ حال ہی میں افغانستان نے اس شرط پر کہ خواتین کے محارم کو بھی ویزا دیا جائے، اعلیٰ تعلیم حاصل کرنے کے لیے 5000 خواتین کو پاکستان کی یونیورسٹیوں میں تعلیم حاصل کرنے کی اجازت دی ہے ، امیرِ تنظیم نے کہا کہ یہ بات بھی قابلِ ذکر ہے کہ امریکہ ابھی تک افغانستان کے 9.5 ارب ڈالر کے زرِمبادلہ کے ذخائر غصب کیے بیٹھا ہے اور اِس تناظر میں خواتین کی شرعی پردے کے ساتھ غیر مخلوط تعلیم کا مکمل انتظام کرنے کے لیے جو خطیر رقم درکار ہے اُس کا بندوبست کرنے میں افغانستان کو مشکلات پیش آ رہی ہیں ، انہوں نے کہا کہ طاغوتی قوتوں کی اصل خواہش تو یہ ہے کہ امارتِ اسلامیہ افغانستان معاشرتی نظام کے حوالے سے اسلامی تعلیمات سے دستبردار ہو جائے اور مغرب کے تعفن زدہ نظام کو نافذ کر دے ، انہوں نے دعا کی کہ اللہ تعالیٰ افغانستان میں اسلامی نظام کو مکمل طور پر قائم و نافذ کرنے کی کوششیں کامیاب کرے اور امارتِ اسلامیہ افغانستان کے خلاف طاغوتی قوتوں کی تمام سازشوں کو ناکام بنائے۔
=====================
پاکستان پیپلزپارٹی کے سینئر رہنما منظور وسان نے کہا ہے کہ ہمارا وزیر اعلی لے لو اپنا دے دو یہ بیان آتے رہتے ہیں، اگر وزیر اعلی سندھ تبدیل ہوئے تو فریال تالپور وزیراعلی ہونگی، 2025اہم ہے کچھ بھی ہوسکتا ہے، یہ سال الیکشن کے حوالے سے بھی اہم ہے۔
میڈیا سے گفتگو میں منظور وسان نے کہا کہ پاکستان 2025 میں تبدیل ہوتے ہوئے نظر آرہا ہے۔ منظور وسان نے کہا کہ پاکستان کو کسی فنڈز کی ضرورت ہی نہیں۔
