“ماں کی اچانک حالت بگڑنے، بی ایل ایس، سی پی آر اور پیرے مارٹم سی سیکشن کی عملی تربیت” پر ایک پری کانفرنس ورکشاپ کا انعقاد گائناکالوجی اور آبسٹیٹرکس ڈپارٹمنٹ، یونٹ IV، لیڈی ایچیسن اسپتال کے زیر اہتمام کیا گیا۔ یہ ورکشاپ پروفیسر ڈاکٹر مہرالنسا کی سربراہی میں کنگ ایڈورڈ میڈیکل یونیورسٹی، لاہور کے جناح آڈیٹوریم میں اسکلز لیب میں منعقد ہوئی۔
کنگ ایڈورڈ میڈیکل یونیورسٹی کے وائس چانسلر پروفیسر محمود ایاز اس ورکشاپ کے سرپرست اعلیٰ تھے۔
ورکشاپ کی چیف آرگنائزر، پروفیسر ڈاکٹر مہرالنسا، جو لیڈی ایچیسن اسپتال یونٹ IV کی سربراہ ہیں، نے استقبالیہ تقریر کی اور ورکشاپ کے ایجنڈے پر روشنی ڈالی۔ انہوں نے ماں کی حالت بگڑنے کی صورت میں فوری کارروائی کے لیے مواصلات، ٹیم ورک، اور بروقت مدد طلب کرنے کی اہمیت پر زور دیا۔
ڈاکٹر ثمینہ ، جو یونٹ IV لیڈی ایچیسن اسپتال میں کنسلٹنٹ آبسٹیٹریشن اور گائناکالوجسٹ ہیں، نے “ماں کی حالت بگڑنے اور پیرے مارٹم سی سیکشن” کے موضوع پر پریزنٹیشن دی۔
ڈاکٹر حافظ ایم ساجد، جو میو اسپتال لاہور کے ایمرجنسی ڈپارٹمنٹ میں اسسٹنٹ پروفیسر ہیں، نے “ماں کی حالت بگڑنے اور سی پی آر کی تربیت” کروائی۔ انہوں نے 4-5 ماں کی حالت بگڑنے کے کیسز/1000 زندہ پیدائش اور تاخیر سے بچاؤ (9-12 منٹ) کی صورت میں <1% بقا کی شرح کے اہم اعداد و شمار سے شرکاء کو آگاہ کیا۔ انہوں نے پروفیسر ڈاکٹر مہرالنسا کی کاوشوں کو سراہا جنہوں نے اس نیک مقصد کے لیے موقع فراہم کیا۔
شرکاء کو عملی مشق کے لیے مختلف گروپوں میں تقسیم کیا گیا، جن کی قیادت اور نگرانی ڈاکٹر علینہ سرور، ڈاکٹر صالحہ، ڈاکٹر حنا ظفر اور ڈاکٹر منزہ نے کی۔
تقریباً 50 شرکاء، جن کا تعلق لیڈی ایچیسن، لیڈی ولنگڈن، اور میو اسپتال لاہور کے گائناکالوجی اور آبسٹیٹرکس ڈپارٹمنٹ سے تھا، نے گہری دلچسپی لی اور ورکشاپ کو بہت مفید اور معلوماتی پایا۔
پروفیسر ڈاکٹر محمد معین، جو کنگ ایڈورڈ میڈیکل یونیورسٹی کے پرو وائس چانسلر ہیں، نے ورکشاپ میں شرکت کی اور اس قسم کی زندگی بچانے والی تربیتی ورکشاپس کی اہمیت پر روشنی ڈالی۔
پروفیسر یار محمد، ڈائریکٹر ایمرجنسی ڈپارٹمنٹ میو اسپتال لاہور، مہمان خصوصی تھے، جنہوں نے پروفیسر ڈاکٹر مہرالنسا کے علمی اقدامات کو سراہا۔
ورکشاپ کے اختتام پر شرکاء سے فیڈ بیک لیا گیا، جس میں انہوں نے اسے مفید قرار دیا۔ ورکشاپ کا اختتام منتظمین، مہمانوں، اور شرکاء کو شیلڈز اور سرٹیفکیٹس کی تقسیم کے ساتھ ہوا۔
==================
پی آئی سی میں ڈاکٹرز کے تصادم کے معاملہ پر ایم ایس ڈاکٹر شعیب اسلم نے کہا ہے کہ ہم اس ناخوشگوار واقعہ کی مکمل چھان بین کر رہے ہیں. ذمہ دران کے خلاف قانونی کارروائی کی جائے گی. پی آئی سی اس وقت مکمل فنکشنل ہے. پی آئی سی میں ادویات کی کسی بھی قسم کی قلت نہیں ہے. وزیر اعلی پنجاب کے مفت دوا آپ کی دہلیز تک کے پروگرام کے تحت تین ماہ کی ادویات گھروں میں پہنچائی جا رہی ہے. اوپی ڈی میں روزانہ 15 سو سے زائد مریضوں کو ادویات فراہم کی جا رہی ہے. ایمرجنسی میں آنے والے مریضوں کو جان بچانے والی ادویات سمیت فوری علاج و معالجہ فراہم کیا جا رہا ہے۔ پرائمری انجیوپلاسٹی، انجیوگرافی اور بائی پاس کے آپریش بلا تعطل جاری ہیں. وزیر اعلی پنجاب کی ہدایت پر ہسپتال میں مریضوں کی سہولت کیلئے شکایت کاونٹر مکمل فعال ہے.
====================
سیکرٹری محکمہ سپیشلائزڈ ہیلتھ کیئر اینڈ میڈیکل ایجوکیشن عظمت محمود سے ڈاکٹر وانگ جیان کی سربراہی میں چینی وفد کی ملاقات ہوئی۔ وزیر اعلیٰ پنجاب مریم نواز شریف کے دورہ چین کی روشنی میں چینی وفد نے محکمہ سپیشلائزڈ ہیلتھ کیئر اینڈ میڈیکل ایجوکیشن کا دورہ کیا۔ ملاقات میں نظام صحت کی بہتری کیلئے دو طرفہ تعاون بڑھانے پر اتفاق ہوا۔ ملاقات میں سرطان جیسی خطرناک بیماری سے لڑنے اور نواز شریف انسٹی ٹیوٹ آف کینسر ٹریٹمنٹ اینڈ ریسرچ کو جدید تقاضوں کے مطابق ہم آہنگ کرنے پر اتفاق ہوا۔ اس موقع پر سپیشل سیکرٹری ڈویلپمنٹ ذیشان شبیر رانا اور ایڈیشنل سیکرٹری محمد انور بریار بھی موجود تھے۔
================
پنجاب انفارمیشن ٹیکنالوجی بورڈ اور پنجاب پروکیورمنٹ ریگولیٹری اتھارٹی کے تعاون سے پنجاب کے تمام سینئر سول ججز کیلئے پنجاب جوڈیشل اکیڈمی لاہور میں ای پروکیورمنٹ سسٹم کے حوالے سے تعارفی اور ٹریننگ سیشن کا انعقاد کیا گیا۔ سیشن کے دوران پی پی آر اے مینیجنگ ڈائریکٹر وقار عظیم نے شرکاء کو پی پی آر اے کے قانونی فریم ورک بارے تفصیلی آگاہی فراہم کی جبکہ پی آئی ٹی بی ٹیم نے شرکاء کو ای پروکیورمنٹ سسٹم بارے تعارفی آگاہی پیش کرتے ہوئے مختلف ماڈیولز کے حوالے سے ڈیمو دیا اور شرکاء کے سوالات و خدشات کے جوابات دیئے۔ معزز ججز نے سیشن کے حوالے سے اطمینان کا اظہار کرتے ہوئے سسٹم کی شفافیت، احتساب اور پروکیورمنٹ کے عمل کو آسان بنانے کی صلاحیت کو خوب سراہا جو خریداری کرنے والی ایجنسیوں اور سپلائرز دونوں کیلئے سودمند ثابت ہو رہا ہے۔ اس حوالے سے پی آئی بی چیئرمین فیصل یوسف کا کہنا تھا کہ ہم نے ای پروکیورمنٹ سسٹم میں جدید تکنیکوں کو شامل کیا ہے تاکہ سرکاری خریداری کو محفوظ اور مؤثر بنایا جا سکے۔ اس نظام کے تحت دکاندار کسی بھی جگہ سے آن لائن بولی لگا سکتے ہیں جس سے پروکیورمنٹ مزید آسان اور قابل رسائی ہو گئی ہے۔
=========================
صوبائی وزیر صحت خواجہ سلمان رفیق کی زیر صدارت پنجاب ہیلتھ انشی ایٹو مینجمنٹ کمپنی میں سالانہ جنرل اجلاس منعقدہواجس میں پی ایچ آئی ایم سی کے تین ایجنڈے پیش کئے گئے۔اجلاس کے دوران پنجاب ہیلتھ انشی ایٹو مینجمنٹ کمپنی کی سالانہ کارکردگی کا تفصیلی جائزہ لیااور 8 ویں اجلاس کے منٹس کی منظوری دی گئی -اجلاس کے دوران پی ایچ آئی ایم سی کی سالانہ آڈیٹڈ فائنینشل سٹیٹمنٹس برائے مالی سال 2024 کا بھی تفصیلی جائزہ لیا گیا-اجلاس کے دوران ایکسٹرنل آڈٹ کیلئے خدمات لینے کی بھی منظوری دی گئی۔
صوبائی وزیر صحت خواجہ سلمان رفیق نے اظہار خیال کرتے ہوئے کہا کہ پنجاب ہیلتھ انشی ایٹو مینجمنٹ کمپنی کو وزیر اعلیٰ پنجاب کی جانب سے شروع کئے گئے صحت کے مختلف اہم پراجیکٹس کی ایگزی کیوٹنگ ایجنسی بنایا گیا ہے۔ صحت کے ہر پراجیکٹ میں شفافیت کا ایک پورامیکنزم بنایا گیا ہے۔ عوام کے ایک ایک روپے کو عوام کی فلاح و بہبود پر ہی خرچ کو یقینی بنایا جا رہا ہے اوروزیر اعلیٰ پنجاب مریم نواز شریف کی قیادت میں صحت کے شعبہ میں تاریخی اقدامات اٹھائے جا رہے ہیں۔
صوبائی وزیر صحت نے کہا کہ چیف منسٹرز ڈائیلسز پروگرام، چیف منسٹرز سپیشل انشی ایٹو فار ٹرانسپلانٹ پروگرام اور چیف منسٹرز چلڈرن ہارٹ سرجری پروگرام حکومت پنجاب کے صحت کے شعبہ میں فلیگ شپ پروگرامز ہیں۔ چیف منسٹرز چلڈرن ہارٹ سرجری پروگرام کامیابی سے جاری ہے۔
اجلاس میں سیکرٹری محکمہ سپیشلائزڈ ہیلتھ کیئر اینڈ میڈیکل ایجوکیشن عظمت محمود،سی ای او پی ایچ آئی ایم سی ڈاکٹر علی رزاق و کمپنی کے دیگر افسران، سی ای او پنجاب ہیلتھ کیئر کمیشن ڈاکٹر ثاقب عزیز، ڈاکٹر زاہد پرویز، پی آئی ٹی بی سے ڈائریکٹر نوشین فیاض، ڈاکٹر شجاعت علی، پروین آغا، ممبر ہیلتھ پی اینڈ ڈی شفاعت علی، ایڈیشنل سیکرٹری محکمہ فنانس بلال احمد و دیگر نے شرکت کی جبکہ ویڈیو لنک کے ذریعے ڈاکٹر عدنان خان اور ایڈووکیٹ سپریم کورٹ سلطان محمود شریک ہوئے۔
=========
صوبائی وزیر صحت خواجہ سلمان رفیق سے محکمہ سپیشلائزڈ ہیلتھ کیئر اینڈ میڈیکل ایجوکیشن میں ایشیئن ڈویلپمنٹ بنک کے وفد نے ملاقات کی۔اس موقع پر سیکرٹری صحت پنجاب عظمت محمود، سپیشل سیکرٹری ڈویلپمنٹ ذیشان شبیر رانا، ایڈیشنل سیکرٹری ڈویلپمنٹ ڈاکٹر وحید اصغر اور ایڈیشنل سیکرٹری اسٹیبلشمنٹ امیر محمد موجود تھے۔ڈی جی نرسنگ، ایڈیشنل ڈی جی نرسنگ و دیگر افسران نے بھی شرکت کی۔ایشیئن ڈویلپمنٹ بنک کے وفد میں نونگلاک پاگائیا، فریبہ ال درازی، زاہرہ لادھانی، آفتاب نذیر، محمد علی، فاطمہ ارشد، علی افضل شیخ، نادر احسان اور منصور علی شامل تھے۔صوبائی وزیر صحت خواجہ سلمان رفیق اور ایشیئن ڈویلپمنٹ بنک کے وفد کے درمیان پنجاب نرسنگ سیکٹر ریفارم پراجیکٹ پر تبادلہ خیال ہوا۔ایشیئن ڈویلپمنٹ بنک کے وفد نے اس حوالے سے بریفنگ بھی دی۔
صوبائی وزیر صحت خواجہ سلمان رفیق نے کہاکہ نرسنگ شعبہ کو نظام صحت میں ریڑھ کی ہڈی کی حیثیت حاصل ہے۔حکومت پنجاب نے نرسنگ شعبہ کی بہتری کیلئے بنیادی اقدامات اٹھائے ہیں۔ الحمدللہ، پنجاب کی تربیت یافتہ اور تجربہ کار نرسز کی پوری دنیا میں مانگ ہے۔وزیر اعلیٰ پنجاب مریم نواز شریف کے ویژن کے مطابق عوام تک صحت کی بہترین سہولیات کی فراہمی کیلئے کوشاں ہیں۔ صوبائی وزیرصحت خواجہ سلمان رفیق نے کہاکہ پنجاب میں نرسنگ کری کولم میں بہتری لا رہے ہیں۔ نرسنگ فیکلٹی کی کپیسٹی بلڈنگ کیلئے بھی اقدامات اٹھائے جا رہے ہیں۔ صوبائی وزیرصحت خواجہ سلمان رفیق نے پنجاب کے نرسنگ شعبہ کی بہتری کیلئے تعاون کی پیشکش پر ایشیئن ڈویلپمنٹ بنک کا شکریہ ادا کیا۔
ایشیئن ڈویلپمنٹ بنک کے وفد نے کہاکہ پنجاب کے نرسنگ شعبہ کی بہتری کیلئے ہر ممکن تعاون کی پیشکش کرتے ہیں۔ نرسنگ شعبہ میں ریسرچ کو بھی پروان چڑھانا چاہتے ہیں۔
==================
پریس ریلیز
تاریخ: 27-01-2025
لاہور( ) تحریک لبیک یا رسول اللہ صلی اللہ علیک وسلم و تحریک صراط مستقیم کے زیر اہتمام جامع مسجد سراج الاسلام سبزہ زار لاہور میں معراج النبی ﷺ کانفرنس کا انعقاد کیا گیا۔ ناظمِ کانفرنس حضرت مفتی محمد حامد وحید جلالی تھے۔ کانفرنس سے خطاب کرتے ہوئے تحریک لبیک یا رسول اللہ صلی اللہ علیک وسلم کے سربراہ ڈاکٹر محمد اشرف آصف جلالی نے کہا: معجزہئ معراج النبی ﷺ اُمت مسلمہ کے لیے عروج کی راہوں کا پیغام ہے۔ آپ ﷺ کو عالمِ بیداری میں لا مکاں کی خلوتوں میں جسمانی معراج کرائی گئی۔ اور اللہ تعالیٰ نے رسولِ اکرم ﷺ کو اپنی ذات اور آیات کا دیدار کروایا۔ انبیاء کرام علیہم السلام میں سے صرف آپ ہی کو یہ اعزاز عطا کیا گیا۔ معراج النبی ﷺ عظمتِ مصطفی ﷺ کے کئی درخشاں معجزات کا مجموعہ ہے۔ یہ معجزہ اس بات کا اعلان ہے کہ پیکر مصطفی ﷺ اپنی قوتوں، صلاحیتوں، حواس اور صفات میں تمام مخلوقات سے بلند و بالا ہے۔ قیامت تک کی سائنس اور ٹیکنالوجی معجزہئ معراج کے نئے نئے پہلوؤں کے انکشافات کے سامنے دم بخود رہے گی۔ معراج النبی ﷺ کا سبق یہی ہے
کہ عروج مصطفی ﷺ کا پرچم عرش کی چوٹی پر ہمیشہ لہراتا رہے گا۔ذات مصطفوِی کا دیدارِ خداوندی سے مشرف ہونا تاریخ عالم کا منفرد واقعہ ہے۔سرور کائنات ﷺ کی ہستی کے عروج اور آپ کی تعلیمات میں انسانیت کا عروج مضمر ہے۔ ربّ کائنات جل جلالہ نے حضرت محمد مصطفےٰﷺ کو اپنے ہاں عرش پر بلا کر یہ واضح کردیا کہ جن کے پیار کی راہیں عرش تک کھلی ہوں فرش پر ان کے عشق و محبت کے قافلوں کو کون روک سکتا ہے! مغربی دنیا کیلئے آج بھی وقت ہے کہ وہ ذلت و رسوائی سے بچنے کیلئے حضرت محمد مصطفی ﷺ کے دامن رحمت میں پناہ لے لے۔معراج مصطفی ﷺ منانے والوں کو نظام مصطفی ﷺ لانے کیلئے اپنا کردار ادا کرنا ہوگا۔ کانفرنس میں قاری محمد سلیمان سیالوی، ڈاکٹر محمد عبد الرشید مصطفوی، مولانا محمد طاہر ایوب جلالی، مولانا محمد حامد مصطفی جلالی سمیت کثیر تعداد میں علماء و عوام نے شرکت کی۔
جاری کردہ۔۔۔
شعبہ نشرو اشاعت: تحریک لبیک یارسول اللہ ﷺ وتحریک صراط مستقیم TLY+TSM+TLI
محمد جمیل بیگ جلالی:03224552042=baigj91@gmail.com
