راولپنڈی
جنرل مینیجر سوئی نادرن گیس راولپنڈی ماسم ابرار نے کہا کہ کم پریشر اور لیکیج کے مسائل پر کام جاری ہے، جس پر جلد مکمل طور قابو پالیا جائے گا اور گیس پریشر بھی صارفین کو پورا ملے گا، جب کہ فالٹ والیوم جو پہلے6 ماہ بعد کاؤنٹ کیاجاتا تھا،اسے اب ہر ماہ کاؤنٹ کیا جائے گا، تاکہ صارفین پر اضافی بوجھ نہ پڑے ،ایسوسی ایشن کی مشاورت سے جو صارفین EVC میٹر کے بجائے پرانا میٹر لگوانا چاہتے ہیں، ان کے میٹر بھی تبدیل کردیں گے۔
محمد فاروق چوہدری صدر ریسٹورنٹس کیٹرز سویٹس اینڈ بیکرز ایسوسی ایشن نے جنرل مینیجر سوئی گیس ماسم ابرار سے اہم ملاقات کی، چیئرمین ممتاز احمد، سینئر نائب صدر چوہدری زاہد محمود، ڈپٹی جنرل سیکرٹری ہاشم اعجاز بٹ، نائب صدر حذیفہ عنصر، ایگزیکٹو ممبر نوید عباسی ان کے ہمراہ موجود تھے،جب کہ محکمہ سوئی گیس کی جانب سے نور علی شاہ ایگزیکٹو انجینئر آپریشنز، ارباب حسین ایگزیکٹو انجینئر میٹرنگ، احسان الہی انچارج یو ایف جے، محمد شفیق ڈپٹی چیف انجینئر بلنگ نے خصوصی شرکت کی، صدر محمد فاروق چوہدری اور چیئرمین ممتاز احمد نے فالٹ والیوم، کم پریشر اور سوئی گیس لیکیج کے حوالے سے تفصیلا آگاہ کیا، اور کہا کہ فالٹ والیوم کو کسی صورت تسلیم نہیں کیا جائے گا، ہر تین یا چھ ماہ بعد فالٹ والیوم کی اضافی رقم ڈال کر کمرشل صارفین پر اضافی بوجھ ڈالنا سراسر ناانصافی ہے، فالٹ والیوم کی ریڈنگ موجودہ ماہ میں شمار جائے اور ماہانہ بل میں اسے شامل کیا جائے، نہ کہ ہر تین ماہ یا چھ ماہ بعد اضافی رقم ڈال کر کمرشل صارفین پر بوجھ ڈالا جائے، ان کا مزید کہنا تھا کہ راولپنڈی کی خوش قسمتی ہے کہ جہاں پر پہلی دفعہ ایک معاملہ فہم آفیسر تعینات کیاگیا۔جنہوں نے اسلام آباد میں بھی بہت اچھا کام کیا، لائنوں میں صفائی اور لیکیج کے حوالے سے جو انہوں نے گزشتہ 3 دن کی کارکردگی ظاہر کی، وہ قابل تعریف ہے، گزشتہ دن وہ رات 12 بجے تک خود فیلڈ میں موجود رہے، جوکہ ان کی بہترین پیشہ ورانہ کارکردگی کا عملی ثبوت ہے، ہمیں امید ہے کہ وہ راولپنڈی میں بھی سوئی گیس لائنوں کی صفائی، لیکیج اور دیگر مسائل پر بھی قابو پائیں گے، تاکہ راولپنڈی کے لوگوں کو گیس کی فراہمی میسر آسکے، اس حوالے سے راولپنڈی میں 200 کلو میٹر لائنوں کی منظوری دی گئی ہے، جس پر ہم وفاقی وزیر پٹرولیم مصدق ملک کا بھی شکریہ ادا کرتے ہیں ،اور مطالبہ کرتے ہیں کہ اس کی تکمیل جلد از جلد مکمل کی جائے ،تاکہ گیس لیکیج سے قومی خزانے پر جو بوجھ پڑتا ہے اس کا بھی ازالہ ممکن ہو ،اس پر جنرل مینیجر سوئی گیس راولپنڈی ماصم ابرار کا کہنا تھا کہ کم پریشر اور لیکیج کے مسائل پر کام جاری ہے، جس پر جلد مکمل طور قابو پالیا جائے گا اور گیس پریشر بھی صارفین کو پورا ملے گا، جب کہ فالٹ والیوم جو پہلے6 ماہ بعد شمار کیاجاتا تھا،اسے اب ہر ماہ شمار کیا جائے گا، تاکہ صارفین پر اضافی بوجھ نہ پڑے ،جب کہ ایسوسی ایشن کی مشاورت سے جو صارفین EVC میٹر کے بجائے پرانا میٹر لگوانا چاہتے ہیں، تاکہ فالٹ والیوم جنریٹ نہ ہو، ان کے میٹر بھی تبدیل کردیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
