علیگڑھ انسٹیٹیوٹ میں جدید ملنگ مشین کی تنصیب
علیگڑھ انسٹیٹیوٹ آف ٹیکنالوجی کے شعبہ مکینیکل میں ایک جدید ملنگ مشین کی تنصیب کی گئی ہے، جو طلبہ کی عملی تعلیم اور مہارت میں اضافہ کے لیے ایک اہم سنگِ میل قرار دی جا رہی ہے۔
انسٹیٹیوٹ کے پرنسپل شاہد جمیل نے اس منصوبے کی تعریف کرتے ہوئے کہا کہ یہ مشین طلبہ کو جدید صنعتی تقاضوں کے مطابق تربیت فراہم کرے گی۔ انہوں نے کنوینیر انجینئر ارشد خان کا خصوصی شکریہ ادا کیا، جن کی کوششوں سے یہ جدید سہولت ممکن ہو سکی۔ پرنسپل نے کہا کہ یہ علیگڑھ کی ویژنری قیادت کا نتیجہ ہے، جو طلبہ کے بہتر مستقبل اور تعلیمی ترقی کے لیے کوشاں ہے۔
جدید ملنگ مشین نہ صرف جدید خصوصیات سے لیس ہے بلکہ پیچیدہ مکینیکل پروجیکٹس پر طلبہ کو عملی تربیت دینے کی بھرپور صلاحیت رکھتی ہے۔ اس حوالے سے شعبہ مکینیکل کے سربراہ فیضان احمد نے کہا کہ ایسے تکنیکی آلات طلبہ کے تکنیکی علم کو بہتر بنانے کے لیے نہایت اہم ہیں، اور بطور سربراہِ شعبہ، میں پرنسپل اور کنوینر اور علیگڑھ کی انتظامیہ کا شکریہ ادا کرتا ہوں کہ انہوں نے ہماری بھرپور اعانت کی۔ ہمیں یقین ہے کہ وہ آئندہ بھی اسی طرح ہماری حمایت جاری رکھیں گے۔
انسٹیٹیوٹ کے طلبہ اور عملہ اس اقدام کو تعلیمی معیار میں نمایاں بہتری کی جانب اہم قدم قرار دے رہے ہیں۔
میڈیا کوآرڈینیٹر، AIT
