غیرقانونی تعمیرات اور اس سے جڑی مافیا کے مکمل خاتمے تک بھرپورانہدامی مہم کاسلسلہ جاری رہے گا۔

پریس ریلیز
کراچی ( ) ترجمان ایس بی سی اے کی جانب سے جاری کردہ ایک علامیہ کے مطابق سندھ بلڈنگ کنٹرول اتھارٹی کے ڈائریکٹرجنرل عبدالرشید سولنگی نے کہاہے کہ غیرقانونی تعمیرات اور اس سے جڑی مافیا کے مکمل خاتمے تک بھرپورانہدامی مہم کاسلسلہ جاری رہے گا۔غیرقانوی تعمیرات سے متعلق صوبائی وزیربلدیات سعید غنی کی زیروٹالرنس پالیسی اور اس سلسلے میں ان کی جانب سے مسلسل نگرانی اوربھرپور مدد سے سال 2024ء میں ایس بی سی اے نے ریکارڈیڈ تعداد میں ایکشن لئے اور بعض منہدم کردہ تعمیرات کی دوبارہ تعمیر پر دوبارہ انہدامی کارروائی بھی کی گئیں۔
انہوں نے کہا کہ تمام کارروائیوں کانوٹس ہے،شفاف انہدامی عمل ودیگر کارروائی کاعمل ہرصورت جاری رکھاجائے جائے گا،ٹھکیدارمافیا کی حوصلہ شکنی تک بار بار انہدامی کارروائی کرتے رہیں گے، اس سلسلے میں حکام بالا کی جانب سے ملوث افراد کو سزائیں دلوانے اور بھاری جرمانے عائد کرنے کی تجاویز بھی زیرغور ہیں جبکہ اس زمرے میں اتھارٹی کے افسران و ملازمین کی لاپرواہی اور سرپرستی کاعمل ناقابل برداشت ہے،کئی افسران کے خلاف محکمہ جاتی کارروائی کی گئیں۔
انہوں نے عوام الناس کو ایک بار پھر خبردار کرتے ہوئے متنبہ کیاہے کہ جس غیرقانونی تعمیرات میں آپ آج سرمایہ کاری کررہے ہیں جلدیا بہ دیرایس بی سی اے کا اس تک پہنچنا اب یقینی ہے، اس لئے غیرقانونی فلیٹ /پورشن/یونٹ میں سرمایہ کاری کی غلطی کرکے اپنے قیمتی سرمائے کو برباد نہ کریں۔
ترجمان ایس بی سی اے نے بیان میں ڈائریکٹرجنرل کی جانب سے غیرقانونی تعمیرات اور اس میں ملوث افراد کے لئے سخت پیغام کے ساتھ مزید تفصیلات سے آگاہ کرتے ہوئے بتایا گیاکہ سال 2018ء سے 2023ء تک 6سال کے عرصے میں غیرقانونی تعمیرات کے خلاف سالانہ 1350کی اوسط سے کل 8171، کارروائیاں کی گئیں جبکہ 2024ء صرف ایک سال میں ریکارڈ 1784، غیرقانونی تعمیرات کے خلاف ایکشن لئے گئے، جس میں معززعدالت کے احکامات کی تعمیل کرتے ہوئے متعدد ایکشن بھی شامل ہیں۔
ترجمان نے مزید کہا کہ غیرقانونی تعمیرات کے خلاف شفاف اور موثر کارروائی کے حوالے سے حکومت سندھ کی جانب سے ایس بی سی اے اور ضلعی انتظامیہ کو مربوط کرنا اوروزیربلدیات کی خصوصی ہدایات پر ڈائریکٹرجنرل عبدالرشید سولنگی کی جانب سے عوامی شکایات کافوری نوٹس اوربروقت کارروائی کے سبب غیرقانونی تعمیرات کو قانونی انجام تک پہنچانے میں خاطرخواہ اضافہ ممکن ہوا۔

پبلک ریلیشنز آفیسر
سندھ بلڈنگ کنٹرول اتھارٹی