بلدیہ وسطی اور ایدھی فاؤنڈیشن کے اشتراک سے کتّاپکڑ مہم کا آغاز

مہم کے آغاز میں گلبرگ زون سے 60 کتّے پکڑ کر جام چاکرو منتقل کئے گئے۔ ضلع وسطی میں آوارہ کتّوں کی تعداد میں اضافے اور سگ گزیدگی کے واقعات کے خلاف نتیجہ خیز مہم کا آغاز مورخہ:۔21 /مارچ 2021 ؁ء کراچی () کراچی کے مختلف علاقوں کی طرح ضلع وسطی میں بھی آوارہ کتّوں کی تعداد میں خطرناک حد تک اضافہ اور سگ گزیدگی کے واقعات کی اطلاع پر میونسپل کمشنر بلدیہ وسطی ڈاکٹر سید محمد علی زیدی نے ایدھی فاؤنڈیشن کے اشتراک سے کتّا پکڑ مہم کا آغاز ضلع وسطی گلبرگ زون سے کردیا گیا۔بلدیہ وسطی اور ایدھی فاونڈیشن کے اشتراک سے مہم کے پہلے ہی روز تقریبا 60 کتّے پکڑ کر جام چاکرو منتقل کر دیئے گئے۔تفصیلات کے مطابق ضلع وسطی میں آوارہ کتّوں کی تعداد میں تشویشناک اضافہ ہو گیا ہے جس سے سگ گزیدگی کے واقعات میں اضافے کا بھی خدشہ پیدا ہوگیا تھا۔خصوصا بچوں اور بزرگوں کو کتّوں سے محفوذظ رکھنے کے لئے فوری اقدامات کرنے کی ضرورت تھی جس کے پیشِ نظر میونسپل کمشنر بلدیہ وسطی ڈاکٹر سید علی زیدی نے اس سلسلے میں ایدھی فاؤنڈیشن سے رابطہ کیا  جنھوں نے عوام کو آوارہ کتّوں سے محفوظ رکھنے کے لئے اپنی خدمات فوری طور پر پیش کیں اور مہم کے پہلے روز ہی گلبرگ زون سے 60 کتّوں کو پکڑ کر جام چاکرو منتقل کردیا۔واضح رہے کہ بلدیہ وسطی کے پاس آوارہ کتّوں کو پکڑنے کا خاطر خواہ انتظام نہیں ہے جبکہ محکمہ جنگلی حیات کی جانب سے آوارہ کتّوں کو مارنے پر پابندی عائد ہے ایسی صورتحال میں آوارہ کتّوں کی بڑھتی ہوئی تعداد شہریوں کی جان کو خطرہ بن رہی تھی۔اس لئے بلدیہ وسطی  نے ایدھی فاؤنڈیشن سے مدد لی کیونکہ انکے پاس کتّے پکڑنے کے لئے  باقاعدہ تربیت یافتہ عملہ موجود ہے۔امید کی جاسکتی ہے کہ میونسپل کمشنر بلدیہ وسطی کا یہ اقدام شہریوں کی زندگی کی حفاظت کے لئے ایک اچھا اقدام ثابت ہوگا                                                                                                        عالمگیر سیفی           انفارمیشن آفیسر(بلدیہ وسطی)                                                                                               0314-3699690