ہمدرد یونیورسٹی کے بانی حکیم سعید کے یوم ولادت پر تقاریب

کراچی (نیوزرپورٹر) وائس چانسلر ہمدرد یونی ورسٹی پروفیسر ڈاکٹر سید شبیب الحسن نے کہا ہے کہ ہمدرد یونی ورسٹی کے بانی اور پہلے چانسلر شہید پاکستان حکیم محمد سعید کی ویں یوم ولادت پر پورے ہفتے مختلف تقاریب کا اہتمام کیا گیاہے۔ ہمدرد یونی ورسٹی شہید حکیم محمد سعید کا عظیم کارنامہ اور قومی خدمت ہے جو آپ نے میں قائم کی تھی۔ آج بھی ہمدرد یونی ورسٹی کو منفرد اعزاز حاصل ہے کہ یہ نجی شعبے کی ملک میں سب سے بڑی یونی ورسٹی ہے جس کے کیمپس آج کراچی کے ساتھ اسلام آباد میں بھی ہے۔ ہر سال شہید حکیم محمد سعید کی قائم کردہ ہمدرد یونی ورسٹی ایسے کئی شعبوں میں سینکڑوں گریجویٹس، پوسٹ گریجویٹس، ایم فل اور پی ایچ ڈی پیدا کررہی ہے جو ملکی ترقی کے لئے اہم ہیں۔ شہید حکیم محمد سعید کی خدمات کا احاطہ کرنا ناممکن ہے کیونکہ انہوں نے ہر شعبے میں پاکستان کی خدمت کی ہے۔ آج بھی انہیں تعلیم و صحت اور سماجی بہبود کے شعبوں میں گراں قدر خدمات انجام دینے پر خراج تحسین پیش کیا جاتا ہے۔ ہمدرد یونی ورسٹی شہید حکیم محمد سعید کی محض خواہش نہیں تھی بلکہ ان کے ایسے خواب کی تعبیر ہے جو انہوں نے تصور پاکستان کو شرمندہ تعبیر کرنے کے لیے دیکھا تھا۔ ان کی یونی ورسٹی ملک میں جدید تعلیم کے فروغ کے لیے کوشاں ہے۔ آج کی دنیا میں جہاں ہمارے ملک کو کئی چینلجز کا سامنا ہے ہمیں چاہیے کہ شہید حکیم محمد سعید کے افکار و فلسفے کو اپنی زندگی کا حصہ بنائیں۔ ان کی حیات ہم سب کے لیے مشعل راہ ہے جس سے ہمیں خدمت خلق اور تعلیم کی اہمیت و ترویج کا درس ملتا ہے۔ پاکستان میں تعلیم کے فروغ کے ان کے عظیم و مقدس مشن کو پورا کرنا ہم سب کی ذمہ داری ہے۔