ایمن اور منال کے والد انتقال کر گئے

پاکستان شوبز انڈسٹری کی مقبول اداکارہ بہنیں منال خان اور ایمن خان کے والد مبین خان انتقال کر گئے۔

اداکاراؤں کے والد کے انتقال کی خبر ایمن خان کے شوہر منیب بٹ نے اپنی انسٹاگرام اسٹوری میں شیئر کی۔

منیب بٹ کی جانب سے جاری پیغام میں بتایا گیا کہ ایمن خان اور منال خان کے والد انتقال کر گئے ہیں
انہوں نے لکھا کہ نمازِ جنازہ کے اوقات کار جلد بتادیے جائیں گے۔

خیال رہے کہ گزشتہ دنوں منال خان نے مداحوں سے اپنے والد کے لیے دعاؤں کی درخواست کی تھی
منال خان کا اپنی انسٹاگرام اسٹوری میں کہنا تھا کہ برائے مہربانی میرے والد کے لیے دعا کریں وہ شدید بیمار ہیں۔

منال خان کی جانب سے والد کی بیماری کے حوالے سے کوئی وضاحت نہیں کی گئی تھی لیکن مداحوں سے صرف دعاؤں کی درخواست کی گئی ہے