وہ ہی آ کر مجھے سلاتی ہے

صحرا میں جو بھی ملا پیاسا ملا . . . . . . . . . . . . . . . . . . . دیکھئے کیا کیا نہ کچھ دھوکہ ملا . . . . . . . . . . . . . . . . . . . نقش جتنے تھے کبھی کے مٹ گئے . . . . . . . . . . . . . . . . . . . رنگ ہم کو جو ملا کچا ملا . . . آستیں نین سب کے خنجر تھے چھپے . . . . . . . . . . . . . . . . . . راہ میں کوئی نہ اپنا سا ملا . . . ڈھونڈتے ہی رھے ہم عمر بھر . . چل سکیں جس پہ نہ وہ رستہ ملا . . . . . . . . . . . . . . . . . . جس کو ہم سمجھے نہیں تنویر وہ . . . . . . . . . . . . . . . . . . . . سيدها سادھا تھا مگر الجھا ملا تنویر مرزا
——————————————————————————————
—————————————————————————————

بہت ڈرتا ہوں میں ان سے
جو میرے ساتھ رہتے ہیں
مرے جو پاس رہتے ہیں
میں ان کو چاہتا بھی ہوں
گلے ان کو لگاتا ہوں
مجھے دیکھو کہ ہوں وہ ہی
کبھی ان کی ضرورت تھا
مگر کیا ساتھ رہنے سے
کسی کے پاس رہنے سے
بنا مطلب ہمیشہ ہی
کسی کو چاہہے جانے سے
دلوں سے دل ملانے سے
میں اکثر سوچتا ہوں یہ
کسی کو غرض کیا آ خر
مرے رونے رلانے سے
یہ دنیا چھوڑ جانے سے

بہت ڈرتا ہوں میں ان سے
کبھی جو میرے اپنے تھے
ؓ وہ دل میں چبھ رہے ہیں اب
سبھی میرے جو سپنے تھے
تنویر مرزا
————————————————-

———————————————

جب بھی مجھ کو اداس پاتی ہے
سوچتا ہوں کہاں سے آ تی ہے
گود میں اپنی رکھ کے میرا سر
سیر بچپن کی وہ کراتی ہے
جاگتا ہوں کبھی جو راتوں کو
وہ ہی آ کر مجھے سلاتی ہے
جب کبھی راہ سے بھٹکتا ہوں
سيدها رستہ مجھے دکھاتی ہے
خوشبو آتی ہے آج بھی اس کی
اب بھی آنکھوں میں جهلملاتی ہے
دوسروں سے الگ نہیں تنویر
ما ن تو مجھ کو بھی یاد آتی ہے
تنویر مرزا