پی ٹی آئی حکومت نے ریڈیو پاکستان میں 749 کانٹریکٹ ملازمین کو بیک جنبش قلم گھر بھیج دیا ہے

اسلام آباد ایک کروڑ نوکریاں دینے کا نعرہ لگا کر انتخاب لڑنے والی پی ٹی آئی حکومت نے ریڈیو پاکستان میں 749 کانٹریکٹ ملازمین کو بیک جنبش قلم گھر بھیج دیا ہے۔17500 سے 25000 تک تنخواہ لینے والے ان ملازمین میں سے اکثریت گزشتہ بیس سال سے کام کر رہی تھی۔
ڈائریکٹر جنرل عنبرین جان نے دو ماہ قبل 320 کانٹریکٹ ملازمین کو ملازمت سے بر طرف کیا تھا جبکہ اس بار باقی ماندہ 749 کانٹریکٹ ملازمین کے گھروں کے چولہے بجھا دئے گئے ہیں۔ یاد رہے کہ ریڈیو پاکستان میں 4400 منظور شدہ اسامیاں ہیں ۔جبکہ مستقل ملازمین کی تعداد بمشکل 2400 ہے ۔تقریبا 1000 افراد کانٹریکٹ پر کام کررہے تھے ۔جن کی اکثریت وفاقی حکومت کے مقرر کردہ کم سے کم معاوضہ 17500 روپے ماہانہ پر کام کررہی تھی ۔برخاست کئے جانے والے ملازمین نے وزیر اعظم عمران خان سے اپیل کی ہے کہ وہ مہنگائی اور بے روزگاری کے اس دور میں انہیں بے روزگار نہ کریں