کویت میں انسداد منی لانڈرنگ و دہشت گردی فنڈنگ کے محکمے نے منی لانڈرنگ اور دہشت گردی کی فنڈنگ کے قوانین کی خلاف ورزی کرنے والی کمپنیوں کے خلاف گھیرا تنگ کر دیا ہے

تفصیلات کے مطابق کویت میں انسداد منی لانڈرنگ و دہشت گردی فنڈنگ کے محکمے نے منی لانڈرنگ اور دہشت گردی کی فنڈنگ کے قوانین کی خلاف ورزی کرنے والی کمپنیوں کے خلاف گھیرا تنگ کر دیا ہے۔

کویتی وزارت صنعت و تجارت کا کہنا ہے کہ قوانین کی خلاف ورزی کرنے والی کمپنیوں کو 65 احتیاطی تدابیر کا پابند بنایا گیا ہے۔

وزارت کی جانب سے جاری بیان میں کہا گیا ہے کہ غیر منقولہ جائیدادوں کا کاروبار کرنے والی 30، زیورات کا کاروبار کرنے والی 10 اور انشورنس کے شعبے سے وابستہ 3 کمپنیوں کو تحریری طور پر انتباہ جاری کیا گیا ہے۔

محکمہ انسداد منی لانڈرنگ نے غیر منقولہ جائیدادوں، بینکنگ، زیورات اور انشورنس سے تعلق رکھنے والی 10 کمپنیوں کو تنبیہ کی گئی ہے کہ وہ اپنے کام قانون کے مطابق کر لیں، ان کمپنیوں کو خصوصی اقدامات کا پابند بھی بنایا گیا ہے۔

محکمے نے 9 کمپنیوں کو قوانین اور طے شدہ فیصلوں کی خلاف ورزی پر معطل بھی کر دیا ہے۔ علاوہ ازیں گزشتہ ماہ انسداد منی لانڈرنگ کے محکمے نے 38 نئی کمپنیوں کے قیام کی کارروائی مکمل کرائی جب کہ 86 لائسنس اپ ڈیٹ کیے۔

Courtesy ary news