عاصم باجوہ اپنی صفائی پیش کریں: وزیراطلاعات

پاکستان کے وزیر اطلاعات شبلی فراز نے کہا ہے کہ سی پیک اتھارٹی کے سربراہ جنرل ریٹائرڈ عاصم سلیم باجوہ کو اپنے اثاثوں اور اہلیہ کے اثاثے چھپانے کے الزامات پر خود صفائی پیش کرنے کے لیے آگے آنا چاہیے۔

پیر کو اسلام آباد میں پریس کانفرنس کرتے ہوئے شبلی فراز کا کہنا تھا کہ وزیراعظم نے اس معاملے پر ابھی کوئی نوٹس نہیں لیا۔

شبلی فراز نے وزیراعظم کے معاون خصوصی اور سی پیک اتھارٹی کے سربراہ کو اثاثوں کے متعلق خبروں کی وضاحت کا مشورہ دیتے ہوئے کہا کہ ”عاصم سلیم باجوہ کے بارے میں جو باتیں ہو رہی ہیں میرے خیال میں وہ درست نہیں۔ سوشل میڈیا کی خبروں پر نہ کوئی استعفیٰ دے گا نہ کسی کو دینا چاہیے۔“
Pakistan24.tv-report