وزیر اعظم عمران خا ن نے پاکستان کو فلاحی ریاست کے طور پر متعارف کرایا ہے’

وزیر اعظم عمران خا ن نے پاکستان کو فلاحی ریاست کے طور پر متعارف کرایا ہے’ جمشید اقبال چیمہ ماضی میں امداد خاص لوگوں کی جیبوں میں جاتی تھی موجودہ حکومت نے اس کرپشن کو دفن کر دیا ‘ سیکرٹری جنرل انصاف ویلفیئر ونگ لاہور(              )پاکستان تحریک انصاف کے مرکزی رہنما، انصاف ویلفیئر کے سیکرٹری جنرل جمشید اقبال چیمہ نے کہاہے کہ کورونا وائرس کی مشکل گھڑی میں وزیر اعظم عمران خا ن نے پوری دنیا میں پاکستان کو فلاحی ریاست کے طور پر متعارف کرایا ہے،ماضی میں امداد کی رقوم خاص لوگوں کی جیبوں میں جاتی تھیں لیکن تحریک انصاف کی حکومت نے اس کرپشن کو منوں مٹی تلے دفن کر دیا ہے ۔ ان خیالات کا اظہارا نہوںنے حلقہ این اے127کے وفد سے ملاقات میںگفتگو کرتے ہوئے کیا ۔ جمشید اقبال چیمہ نے کہا کہ ماضی کے نام نہاد تجربہ کار یہ سمجھ رہے تھے کہ اچانک آنے والی مشکل کی وجہ سے تحریک انصاف کی حکومت ناکام ہو جائے گی لیکن وزیر اعظم عمرا ن خان اوروزیر اعلیٰ پنجاب سردار عثمان بزدار کے بروقت اقدامات نے ان کی تمام امیدوں پر پانی پھیر دیا ہے ۔ وزیر اعظم عمران خان کی ہدایات کے مطابق حکومت نے سیاسی تفریق اور سفارش کے بغیر امداد کی رقوم کی شفافیت سے تقسیم کو یقینی بنایا جبکہ ماضی میں اس تناظر میں سیاسی وابستگی کو ترجیح دی جاتی تھی ۔لاکھوں مستحق خاندانوں  میں اربوںروپے کی تقسیم فلاحی ریاست کی جانب عملی قدم ہے اور وزیر اعظم عمران خان کا وعدہ ہے کہ ہم مشکل کا شکار ہونے والے طبقات کو نہا نہیں چھوڑیں گے اور حکومت ان کا سہارا بنے گی ۔ جمشید اقبال چیمہ نے کہا کہ یہ وقت بھی کٹ جائے گا اور پاکستانی قوم مشکلات حالات سے کندن بن کر باہر نکلے گی ۔                                                                  شعبہ نشرو اشاعت                                                                  0300-8448973