ایران میں کرونا متاثرہ افراد کی تعداد : ایرانی صدر کا ناقابل یقین انکشاف

سرکاری ٹی وی پر نشر ہونے والے خطاب میں ایرانی صدر حسن روحانی کا کہنا تھا کہ ساڑھے تین کروڑ ایرانیوں کو کورونا وائرس سے خطرہ ہے، ہمارے اندازے کے مطابق اب تک 2.5 ایرانی اس وائرس سے متاثر ہو چکے ہیں، ان میں تقریبا 14 ہزار متاثرین اپنی قیمتی جانوں سے ہاتھ دھو چکے ہیں۔

غیر ملکی خبررساں ادارے کے مطابق ایران میں کورونا وائرس کیسز کی تعداد ڈھائی کروڑ ہو چکی ہے ایرانی صدر حسن روحانی نے ٹی وی پر ایک تقریر کے دوران بتایا کہ ساڑھے تین کروڑ ایرانیوں کو کورونا وائرس سے خطرہ ہےان کا کہنا تھا کہ ایران میں سرکاری اعداد و شمار کے مطابق کورونا کیسز کی تعداد تقریباً2لاکھ 70 ہزار ہے، روحانی نے مزید بتایا کہ ملک کے اسپتالوں میں 2 لاکھ سے زیادہ افراد کا علاج کیا جا چکا ہے۔

واضح رہے کہ ایران کی کُل آبادی 8 کروڑ نفوس پر مشتمل ہے، یہ مشرق وسطیٰ میں کرونا وائرس سے سب سے زیادہ متاثر ہونے والا ملک ہے۔

واضح رہے کہ دنیا بھر میں کرونا وائرس کے مصدقہ کیسوں کی تعداد 1.4 کروڑ سے تجاوز کر گئی ہے۔ روئٹرز نیوز ایجنسی نے ہفتے آج ہفتے کے روز بتایا کہ یہ پہلا موقع ہے جب 100 گھنٹوں سے بھی کم دورانیے میں عالمی سطح پر دس لاکھ نئے متاثرین کا انکشاف ہوا ہے

Courtesy ary news