پاکستان کی فوج میں پہلی خاتون لیفٹیننٹ جنرل

پاکستان کی فوج میں پہلی خاتون لیفٹیننٹ جنرل
پاکستان کی فوج کی پہلی خاتون افسر میجر جنرل نگار جوہر کو لیفٹیننٹ جنرل کے عہدے پر ترقی دے دی گئی۔

فوج کے ترجمان میجر جنرل بابر افتخار کے ٹویٹر پر جاری بیان کے مطابق نگار جوہر پاکستان آرمی کی پہلی خاتون افسر ہیں جنھیں لیفٹیننٹ جنرل کے عہدے پر ترقی دی گئی ہے۔

لیفٹیننٹ جنرل نگار جوہر کو سرجن جنرل کے عہدے پر تعینات کیا گیا ہے۔ یہ اعزاز بھی صرف انہیں حاصل ہوا ہے اس سے قبل اس عہدے پر کوئی خاتون تعینات نہیں ہوئی۔

لیفٹیننٹ جنرل نگار جوہر کا تعلق خیبر پختونخوا میں صوابی کے علاقے پنج پیر سے ہے۔