کورونا کے پھیلاؤ ،اقوام متحدہ کے ریزیڈنٹ کوآرڈینیٹر کا پاکستان کی مزید معاونت کا عندیہ

وزیر خارجہ مخدوم شاہ محمود قریشی نے کہا ہے کہ کووڈ 19 دنیا بھر کیلئے ایک بہت بڑا چیلنج بن چکا ہے لیکن پاکستان جیسے ترقی پذیر ممالک کو اس عالمی وبائی چیلنج سے نمٹنے میں بہت سی مشکلات کا سامنا ہے۔

تفصیلاات کے مطابق وزیرخارجہ شاہ محمود قریشی سے اقوام متحدہ کے ریزیڈنٹ کوآرڈینیٹر جولین فریڈرک سے ملاقات ہوئی ، ملاقات کرونا عالمی وبائی صورتحال سے نمٹنے کے حوالے سے تفصیلی تبادلہ خیال کیا گیا۔

ملاقات میں وزیرخارجہ شاہ محمودقریشی نے کہا کہ کورونادنیابھرکیلئےایک بہت بڑاچیلنج بن چکاہے پاکستان جیسےممالک کوبہت سی مشکلات کاسامنا ہے، پاکستان اپنے محدود وسائل کے ساتھ وبائی چیلنج سےنمٹ رہاہے۔

اس موقع پر اقوام متحدہ کے ریزیڈنٹ کوآرڈینیٹر جولین فریڈرک نے کورونا وائرس سے نمٹنے کے لیے عالمی سطح پر مؤثر کاوشوں پرروشنی ڈالی اور کورونا کے پھیلاؤ کو روکنے کے لئے عالمی ادارہ صحت اور اقوام متحدہ کی طرف سے پاکستان کی مزید معاونت کا عندیہ دیا۔

شاہ محمود قریشی کا کہنا تھا کہ کورونا وبا کے باعث پاکستان جیسے ترقی پذیر ممالک کو درپیش، معاشی مشکلات کیلئے عالمی معاشی اداروں کو مشترکہ کاوشوں سے مربوط اور جامع حکمت عملی وضع کرنا ہوگی۔

Courtesy Ary news