پاکستانی وطن واپسی کے منتظر

90 ہزار پاکستانی وطن واپسی کے منتظر
پاکستان کے وزیر خارجہ شاہ محمود قریشی نے کہا ہے کہ کورونا وائرس کی صورتحال میں بیرون ملک پھنس جانے والے 62 ہزار پاکستانیوں کو وطن واپس لایا جا چکا ہے جو 60 ملکوں میں مقیم تھے اور اب بھی 90 ہزار وطن واپسی کے منتظر ہیں۔

بدھ کو اسلام آباد کے پارلیمنٹ ہاؤس میں سپیکر قومی اسمبلی اسد قیصر کی صدارت میں منعقدہ اجلاس میں وزیر خارجہ نے بتایا کہ 26 ممالک میں موجود تبلیغی جماعت سے وابستہ دو ہزار 54 پاکستانیوں میں سے 2018 کو واپس لایا جا چکا ہے جبکہ 36 کی واپسی کے لیے کوشش جاری ہے۔

بیرون ملک پاکستانیوں کی جلد واپسی کے حوالے سے پارلیمنٹ ہاؤس میں منعقدہ اجلاس میں وزیر خارجہ مخدوم شاہ محمود قریشی اور وفاقی وزیر برائے سمندر پار پاکستانی ذوالفقار علی بخاری نے بھی شرکت کی۔

شاہ محمود قریشی نے بتایا کہ اب تک بیرون ملک کورونا سے مرنے والے 479 پاکستانیوں کی میتیں واپس لائی گئی ہیں جبکہ 40 نعشوں کو پاکستانی سفارتخانوں کی جانب سے خلیجی ملکوں میں دفن کرنے کے لیے امداد فراہم کی گئی