سینیٹررحمان ملک نے امریکی شہری سنتھیارچی کے الزامات کی تردید کردی

سینیٹررحمان ملک نےامریکی شہری سنتھیارچی کےالزامات کی تردید کرتے ہوئے کہا الزامات بدنیتی پر مبنی ہیں،مقصد رحمان ملک کی ساکھ کونقصان پہنچاناہے۔

ترجمان کا کہنا تھا کہ رحمان ملک نےبھارتی حکومت، را، آر ایس ایس و مودی کےمظالم سےپردہ اٹھایا، بطورچیئرمین داخلہ کمیٹی سینیٹ رحمان ملک نے بے نٖظیربھٹو پرالزامات کانوٹس لیا
رحمان ملک پرالزامات بےنظیربھٹوپرالزامات کانوٹس لینےپرسامنےآئے، رحمان ملک کے بیٹوں نے وکیلوں سے قانونی رائے مانگی ہے، قانونی کارروائی اور ہتک عزت کادعویٰ دائرکرنے کے لیے رائے لے رہے ہیں۔گذشتہ روز پاکستان میں مقیم امریکی شہری سنتھیا رچی نے سابق وفاقی وزیر داخلہ رحمان ملک، سابق وزیراعظم یوسف رضا گیلانی اور پی پی رہنما مخدوم شہاب الدین پر سنگین الزامات عائد کرتے ہوئے کہا تھا کہ رحمان نے 2011 میں اس وقت زیادتی کی جب وہ وزیر داخلہ تھے۔

سنتھیا رچی نے الزام عائد کیا تھا کہ سابق وزیراعظم یوسف رضا گیلانی نے ایوان صدر میں دست درازی کی جبکہ سابق وزیر صحت مخدوم شہباب الدین پر بھی بدسلوکی کا الزام عائد کیا۔

بعد ازاں امریکی خاتون شہری کے الزامات پر یوسف رضا گیلانی نے ردعمل دیتے ہوئے کہا تھا کہ سنتھیا رچی نے عالمی رہنما بینظیر بھٹو پر بھی الزامات لگائے تھے جس پر پیپلزپارٹی کی جانب سے سخت ردعمل دیا گیا تھا

Courtesy Ary News