مقبول ترین کرائم سیریز ’منی ہائسٹ‘ کے پانچویں سیزن سے متعلق خوش خبری

یٹ فلکس کی شہرہ آفاق ویب سیریز ’منی ہائسٹ‘ کے پانچویں سیزن کی ریلیز آیندہ سال اپریل میں ہوگی۔

تفصیلات کے مطابق نیٹ فلکس پر مشہور سیزنز میں سے ایک ‘منی ہائسٹ’ کے مداحوں کے لیے اچھی خبر یہ ہے کہ اس کا پانچویں سیزن جلد ریلیز کیا جائے گا۔ یہ کرائم ڈراما سیریز پہلی بار اسپین میں 2 مئی 2017 کو نشر کیا گیا تھا جس نے تہلکہ مچا دیا اور نہایت سرعت کے ساتھ کامیابیوں کی بلندی تک پہنچا۔

ایک ہسپانوی ویب سائٹ مارکا نے اس کے چھٹے سیزن سے متعلق بھی خوش خبری سنائی ہے، بتایا گیا کہ سیریز کا چھٹا سیزن بھی آئے گا۔

ابتدا میں منی ہائسٹ 2 سیزنز کے لیے بنایا گیا تھا، لیکن پھر نیٹ فلکس پر آنے کے بعد اس کی شہرت پوری دنیا میں پھیل گئی اور اس کے مزید سیزنز بنانے کا فیصلہ کیا گیا، یہ فیصلہ درست ثابت ہوا اور صرف تیسرے سیزن کے ناظرین کی تعداد 2 کروڑ 30 لاکھ سے زیادہ ہو گئی۔
چوتھے سیزن نے تو ریلیز کے بعد باقی تمام سیزنز کو پیچھے چھوڑ دیا ہے اور یہ مقبولیت کی نئی بلندیوں پر پہنچ چکا ہے، توقع ہے کہ پانچواں سیزن اگلے سال اپریل میں ریلیز ہوگا، مزید اچھی خبر یہ ہے کہ چھٹا سیزن بھی عین ممکن ہے اگلے سال ہی نشر کیا جائے۔

خیال رہے کہ کرونا وائرس کی وبا کی روک تھام کے سلسلے میں دنیا بھر میں لاک ڈاؤن کی وجہ سے فلم اور ڈراما انڈسٹری کی پروڈکشنز پر بھی منفی اثرات مرتب ہوئے ہیں، دنیا بھر میں فلموں اور ڈراما سیریز کی تیاری اور ریلیز کی تاریخیں ملتوی کی جا چکی ہیں، اس لیے یہ بھی امکان ہے کہ چھٹا سیزن اگلے سال نشر نہ ہو سکے۔