ایئر کینیڈا کے آدھے ملازمین فارغ

کینیڈا کی بین الاقوامی فضائی کمپنی لائن ایئر کینیڈا نے اعلان کیا ہے کہ وہ اپنے آدھے ملازمین کو نوکری سے برطرف کر رہی ہے۔

air canada-airline

کمپنی نے کہا ہے کہ یہ ایک انتہائی تکیلف دہ فیصلہ ہے تاہم اس کے سوا کوئی دوسرا راستہ نہیں۔

دنیا بھر میں کورونا وائرس کی وجہ سے بین الاقوامی فضائی آپریشنز اور مسافروں کی آمد و رفت بند ہے۔

گزشتہ تین ماہ سے دنیا کے تمام بڑی ایئر لائنز کو کروڑوں ڈالر کے خسارے کا سامنا ہے۔

ایئر کینیڈا کے جاری کردہ اعلامیے کے مطابق مستقبل قریب میں فضائی سروس میں بہتری کی کوئی امید نہیں اور کمپنی مزید خسارہ برداشت کرنے کی اہلیت نہیں رکھتی۔

ایئر کینیڈا میں لگ بھگ 38 ہزار افراد کام کرتے ہیں۔

واضح رہے کہ اس سے قبل قطر ایئر لائن سمیت دنیا کی بیشتر فضائی کمپنیوں نے اپنے ہزاروں ملازمین کو نوکریوں سے برطرف کیا ہے۔