سوشل میڈیا پر لڑکیوں کے نام سے جعلی اکاؤنٹس بنانا مہنگا پڑگیا

گھوٹکی: سندھ میں ملزمان کو سوشل میڈیا پر لڑکیوں کے نام سے جعلی آئی ڈیز بنا کر بلیک میل کرنا مہنگا پڑگیا۔

تفصیلات کے مطابق ایف آئی اے کی سکھر سائبرکرائم ونگ نے سندھ کےضلع گھوٹکی میں کارروائی کرکے دو ملزمان کو گرفتار کرلیا، ملزمان جعلی اکاؤنٹ کے ذریعے خواتین کو بلیک میل کرتے تھے۔

ذرائع کا کہنا ہے کہ ملزمان جعلی آئی ڈیز پرخواتین کی تصویر اپلوڈ کرکے بلیک میل کرتے تھے۔ ایف آئی اے نے درخواست پر کارروائی کرتے ہوئے دونوں ملزمان کو گرفتار کیا۔

سوشل میڈیا پر خاتون کو ہراساں اور بلیک میل کرنے والے تین ملزمان گرفتار

خیال رہے کہ سوشل میڈیا خواتین کے نام سے جعلی اکاؤنٹ بنانا اور صارفین کو بلیک میل کرنا معمول بن چکا ہے۔ اس سے قبل بھی متعدد بار ایسے واقعات رونما ہوچکے ہیں اور درجنوں ملزمان گرفتار بھی ہوئے۔

اس بابت ایف آئی اے کی سائبر کرائم ونگ نے ملک بھر میں اپنی کارروائیاں تیز کردی ہیں