اسٹار فٹبالر رونالڈو کا بیٹا باپ کے نقش قدم پر چلنے لگا

عالمی شہرت یافتہ اسٹار فٹبالر کرسٹیانو رونالڈو کا بیٹا کرسٹیانو جے آر اپنے باپ کی طرح سیر وتفریح کا شوقین نکلا، قدرت کے حسین مناظر سے لطف اندوز ہونے کے لیے دونوں جزیرے پر پہنچ گئے۔

غیرملکی خبررساں ادارے کی رپورٹ کے مطابق رونالڈو اور جے آر ان دنوں ’میڈیرا‘ نامی جزیرے پر سیرتفریح کررہے ہیں، اس دوران وہ قدرت کے چھپنے حسین شاہکاروں سے روشناس ہوئے۔

رپورٹ میں کہا گیا ہے کہ جونٹس کلب نے اپنے تمام کھلاڑیوں کو اٹلی طلب کرلیا ہے، جس کے باعث رونالڈو آئندہ ہفتوں میں روانہ ہوجائیں گے، اس سے قبل وہ 14 دن تک قرنطینہ میں رہیں گے
میچز نہ ہونے کے باعث معروف کھلاڑی سوشل میڈیا پر زیادہ مصروف نظر آرہے ہیں، حالیہ دنوں انہوں نے ورزش سے متعلق ویڈیو سوشل میڈیا پر شیئر کی اور دیگر مصروفیات سے بھی اپنے مداحوں کو آگاہ کیا۔

خیال رہے کہ رونالڈو لاک ڈاؤن کے باعث اپنی فراغت سیرسپاٹوں پر وقف کررہے ہیں