ماں کی ممتا نے غصیلے بیل کو شکست دے دی

بیجنگ: چین میں ماں نے اپنی نومولود بچی کو غصیلے بیل کے حملے سے بچا لیا، پولیس نے جانور ہلاک کردیا۔

غیرملکی خبررساں ادارے کی رپورٹ کے مطابق یہ چینی شہر ہیون میں پیش آیا۔ بپھرا ہوا بیل فرار ہوکر علاقے میں گھس گیا اور ماں سمیت نومولود بچی پر حملہ کردیا۔

خوش قسمتی سے ماں کی ممتا نے اپنے نومولود بچی پر آنچ نہ آنے دی اور بیل کا ڈٹ کر مقابلہ کیا، اس خطرناک واقعے کے دوران ماں اور بچی کی علاقہ مکین نے بھی مدد کی
رپورٹ میں کہا گیا ہے کہ بیل کو ذبح خانے منتقل کیا جارہا تھا کہ اسی دوران وہ گاڑی سے اتر کر فرار ہوگیا، اس سے پہلے کہ کوئی جانی نقصان ہوتا پولیس نے جانور کو گولی مار کر ہلاک کردیا۔

پولیس حکام کا کہنا ہے اس حملے میں ماں کے جسم پر معمولی خراشیں آئی ہیں