شمالی وزیرستان میں دہشتگردوں کا حملہ، جوابی کارروائی میں 5 دہشتگرد ہلاک ، ایک جوان شہید

پاک فوج کے شعبہ ذرائع عامہ (آئی ایس پی آر) کے مطابق شمالی وزیرستان کے علاقے میرانشاہ کے مغرب میں 10 کلومیٹر کے فاصلے پر واقع چیک پوسٹ پر دہشتگردوں نے حملہ کیا۔ سیکیورٹی فورسز نے دہشتگردوں کے حملے کا موثر جواب دیا۔سیکیورٹی فورسز کے بھرپور جواب کے نتیجے میں 5 دہشت گرد ہلاک ہوگئے جب کہ فائرنگ کے تبادلے میں پاک فوج کا ایک سپاہی شہید اور3 جوان زخمی ہوگیا۔
آئی ایس پی آر کے مطابق واقعے کے بعد سیکیورٹی فورسز نے علاقے کو گھیرے میں لے کر سرچ آپریشن شروع کردیا۔پاک فوج کے شہید اہلکار شہید جوان حوالدار اکبر حسین کا تعلق آزادکشمیر کے علاقے دھیر کوٹ ضلع باغ سے تھا۔ شہید نے پسماندگان میں بیوہ اور 4 بچے چھوڑے ہیں

courtesy GNN urdu