امریکا: 11 ستمبر جیسا دہشتناک دن، 1 روز میں 2407 ہلاکتیں

امریکا میں 14 اپریل 11 ستمبر جیسا دہشت ناک دن ثابت ہوا ہے، جب کورونا سے ایک ہی روز میں 2 ہزار 407 افراد ہلاک اور مزید 27 ہزار بیمار ہوگئے ہیں۔

امریکا میں 11 ستمبر 2001ء کو طیارہ حملوں سے 2 ہزار 996 افراد ہلاک اور 25 ہزار زخمی ہوئے تھے تاہم اب کورونا وائرس نے وہ تباہی مچائی ہے کہ ایک ہی دن میں اموات کی تعداد ڈھائی ہزار کے قریب پہنچ گئی۔

امریکا میں کورونا وائرس سے مجموعی ہلاکتیں 26 ہزار 64 ہو گئیں جبکہ اس سے بیمار ہونے والوں کی مجموعی تعداد 6 لاکھ 14 ہزار 211 ہو گئی ہے

امریکا کے اسپتالوں میں 5 لاکھ 49 ہزار 327 افراد زیرِ علاج ہیں جن میں سے 13 ہزار 473 کی حالت تشویش ناک ہے جبکہ 38 ہزار 820 کورونا مریض اب تک صحت یاب ہو چکے ہیں۔

منگل کو صرف نیویارک میں 778 افراد نے دم توڑا، نیویارک میں ان 3700 افراد کو بھی کورونا ہی کا شکار تسلیم کر لیا گیا ہے جن کی اموات مشتبہ قرار دی گئی تھیں۔

اب ریاست میں اموات کی مجموعی تعداد 10 ہزار 834 ہوگئی ہے جبکہ بیماروں کی تعداد 2 لاکھ 3 ہزار سے بھی زیادہ ہے۔

ریاست میں بیماروں کی تعداد کا اندازہ اس لحاظ سے بھی کیا جاسکتا ہے کہ دنیا میں کورونا سے سب سےزیادہ بیمار افراد اسپین میں ہیں جہاں بیماروں کی تعداد 1 لاکھ 74 ہزار ہے جو نیویارک سے 29 ہزار کم ہے۔

اموات نیو جرسی، مشی گن، میسا چوسس، پنسلوینیا اور لوزی اینا میں بھی تیزی سے بڑھ رہی ہیں جبکہ ملک کے نرسنگ ہومز میں کورونا سے اموات کی تعداد 3800 ہوگئی ہے۔

یہ بھی پڑھیئے: پاکستان میں 5996 کورونا مریض، اموات 107

کیلی فورنیا میں اموات پر قابو پانے کی کوشش کسی حد تک کامیاب ہو رہی ہے، ریاست کے گورنر کا کہنا ہے کہ انہیں روشنی کی کرن نظر آ رہی ہے۔

ادھر امدادی کوششیں سیاست کی نذر ہو رہی ہیں، امریکی حکومت نے لاک ڈاؤن کو مرحلہ وار ختم کرنے کے لیے مقامی حکومتوں کو گائیڈ لائن جاری کر دی ہے۔

ٹرمپ انتظامیہ نے لوگوں کو دیے جانے والے اسٹیمولس چیکس پر صدر ڈونلڈ ٹرمپ کی تصویر چھاپنے کا حکم دے دیا ہے۔

امریکا سے لوگوں کو ڈی پورٹ کرنے کا سلسلہ بھی جاری ہے اور گوئٹے مالا کا کہنا ہے کہ امریکا سے جبری بے دخل کیے گئے افراد کی بڑی تعداد کورونا کی مریض نکلی ہے

ہلاکتوں کی سب سے بڑی تعداد ہے۔
کورونا کے نئے کیسز اور اموات سے متعلق معلومات فراہم کرنے والے عالمی میٹر کے مطابق امریکہ میں گزشتہ روز کورونا کے کیسز کی تعداد 5 لاکھ 86 ہزار سے زائد ریکارڈ کی گئی تھی جو کہ اب بڑھ کر 6 لاکھ 13 ہزار سے زائد ہو چکی ہےاس کے علاوہ پوری دنیا میں اس وقت کورونا وائرس کی تباہ کاریاں جاری ہیں۔ تازہ اعداد و شمار کے مطابق کورونا وائرس سے ہونے والی سب سے زیادہ ہلاکتیں امریکہ میں ریکارڈ کی گئی ہیں جہاں اب تک کورونا وائرس سے متاثرہ 26 ہزار 47 افراد جان کی بازی ہار چکے ہیں۔ اٹلی جو کہ ایک وقت میں کورونا وائرس سے ہونے والی مسلسل ہلاکتوں کے بعد سب سے زیادہ متاثرہ ملک بن گیا تھا وہ ہلاکتوں کے اعتبار سے اب دوسرے نمبر پر ہے۔
اٹلی میں اب تک ہونے والی ہلاکتوں کی تعداد 21 ہزار 67 ہے۔ امریکہ اور اٹلی کے بعد سب سے زیادہ ہلاکتیں ریکارڈ کرنے والا ملک اسپین ہے جہاں 18 ہزار 255 افراد مہلک وائرس کا شکار ہو کر لقمہ اجل بن چکے ہیں۔ کورونا وائرس سے سب سے زیادہ ہلاکتیں ریکارڈ کرنے والے ممالک کی فہرست میں فرانس کا چوتھا نمبر آتا ہے جہاں پر ریکارڈ کی جانے والی ہلاکتوں کی تعداد اب تک 15 ہزار 729 ریکارڈ کے گئی ہے۔
اس کے بعد پانچویں نمبر پر برطانیہ آتا ہے جہاں پر مہلک وائرس سے ہلاک افراد کی تعداد 12 ہزار 107 ہو گئی ہے۔ علاوہ ازیں کورونا کے سب سے زیادہ کیسز رپورٹ کرنے والے ممالک کی فہرست میں امریکہ بدستور پہلے نمبر پر ہے جہاں پر مہلک وائرس نے 6 لاکھ 13 ہزار 886 افراد کو متاثر کیا۔ اسپین میں 1 لاکھ 74 ہزار 60 لوگ متاثر ہوئے ہیں، اٹلی میں 1 لاکھ 62 ہزار 488 افراد کورونا کی زد میں آئے، فرانس میں 1 لاکھ 43 ہزار 303 لوگ متاثر ہوئے جبکہ جرمی میں 1 لاکھ 32 ہزار 210 لوگ اب تک وائرس کا شکار ہو چکے ہیں۔
مذکورہ بالا اعداد و شمار کورونا وائرس سے سب سے زیادہ متاثرہ ممالک کے ہیں۔ علاوہ ازیں کورونا وائرس سے تقریباََ دنیا کا ہر ملک کسی نہ کسی طرح ضرور متاثر ہے۔ مزید برآں پوری دنیا میں اس وقت کورونا وائرس سے متاثرہ افراد کی تعداد 19 لاکھ 98 ہزار 551 ہو چکی ہے جبکہ اس مہلک وائرس سے ہلاک افراد کی تعداد 1 لاکھ 26 ہزار 686 ہو گئی ہے۔ کورونا وائرس کا شکار اب تک 4 لاکھ 78 ہزار 902 افراد صحت یاب ہو چکے ہیں