کروناویکسین کا انسانوں پر تجربہ کامیاب؟ 14 افراد مکمل صحت مند

غیرملکی خبررساں ادارے کی رپورٹ کے مطابق چینی شہر ووہان میں کروناویکسین کو انسانوں پر آزمایا گیا۔ اس تجربے کے لیے 108 افراد نے رضاکارانہ طور پر اپنے آپ کو پیش کیا، پہلے مرحلے میں 18 شہریوں پر تجربہ کیا گیا۔

ٹرائل کے بعد 14 افراد نے اپنی صحت برقرار رکھی اور وہ مکمل طور پر روبہ صحت ہیں، اسی بنیاد پر ماہرین نے انہیں گھر بھیج دیا البتہ 6 مہینے تک ان کا وقفے وقفے سے جائزہ لیا جاتا رہے گا۔کروناویکسین کی آزمائش کے بعد رضاکاروں کے 18 افراد پر مشتمل گروہ کو چودہ دن کے لیے آئسولیشن میں رکھا گیا۔
سائنس دانوں کا کہنا ہے کہ ابھی تجربے کا جائزہ لیا جارہا ہے، اگر کامیاب رہا تو اسے دیگر ممالک کے شہریوں پر بھی آزمایا جائے گا۔ چین کے اعلیٰ ملیٹری ادارے کے شعبہ طب نے ویکسین کی تیاری کے بعد اسے انسانوں پر ٹرائل کے لیے 17 مارچ کو پیش کیا۔ 18 سے 60 سال کے عمر کے افراد نے اس تجربے میں حصہ لیا ہے۔

ٹرائل میں حصہ لینے والے رضاکاروں کی تعداد 108 ہے۔ جبکہ دیگر مرحلے میں تمام افراد پر ویکسین کو ٹیسٹ کیا گیا۔ 14 افراد کے علاوہ تمام افراد تاحال آئسولیشن میں ہیں۔ گھر پہنچنے والے ایک رضاکار کا کہنا تھا کہ ٹیسٹ کے دوران انہیں درد اور تکلیف کا احساس نہیں ہوا اور نہ ہی کوئی بیماری محسوس کی۔

Courtesy Ary Urdu

اپنا تبصرہ بھیجیں