کمشنر ہادی بخش کلہوڑو کا ڈائریکٹر پروکیورمنٹ ڈاکٹر محمد اکرم کے ہمراہ ایس․ایس․ لانڈھی اسپتال اور کڈنی سینٹر لانڈھی کا دورہ کیا۔ دورے کے دوران انہوں نے دونوں اداروں کے متعلقہ تمام شعبہ جات کا معائنہ کیا اور داخل مریضوں سے ملاقات کرکے ان سے کسی شکایت یا مسئلے کے بارے میں دریافت کیا، نیز فراہم کی جانے والی طبی سہولیات کا جائزہ لیا۔ مریضوں نے اپنے علاج اور دستیاب سہولیات پر اطمینان کا اظہار کیا ۔
دورے کے دوران سابق میڈیکل ایڈوائزر ڈاکٹر عمر چنہ نے بھی معزز کمشنر سے ملاقات کی اور کڈنی سینٹر لانڈھی کی خدمات میں بہتری کے لیے اپنی قیمتی تجاویز پیش کیں۔ انہوں نے سیسی کے ریٹائرڈ ملازمین کو درپیش چند مسائل کی نشاندہی بھی کی، جس پر کمشنر صاحب نے مکمل تعاون کی یقین دہانی کرواتے ہوئے کہا کہ اس ادارے کی خدمت کرنے والے ریٹائرڈ ملازمین ہماری قیمتی اثاثہ ہیں۔ ان کے مسائل کو جلد حل کیا جائے گا
بعدازاں لانڈھی ایسوسی ایشن آف ٹریڈ اینڈ انڈسٹری کے وفد نے جس میں شاہ زمان اور ڈاکٹر مبارک شامل تھے، نے معزز کمشنر سے ملاقات کی اور ادارے کی خدمات میں بہتری کے لیے اپنے بھرپور تعاون کی یقین دہانی کرائی۔
اس کے علاوہ مزدوروں کے وفد نے ایک محس خان کی قیادتِ میں کمشنر سیسی سے ملاقات کی اور علاج و معالجہ کی فراہمی کے نظام سے متعلق اپنے چند تحفظات پیش کیے۔ کمشنر صاحب نے انہیں مزید بہتری کی یقین دہانی کرواتے ہوئے کہا کہ ادارہ فراہم کی جانے والی خدمات کے معیار کو بہتر بنانے کے لیے پرعزم ہے۔
آخر میں نمائندگان نے اس بات کو سراہا کہ عام تعطیل کے باوجود معزز کمشنر نے ذاتی طور پر اسپتالوں کا دورہ کیا جو صحت کی خدمات میں بہتری، مسائل کے بروقت حل اور عوامی فلاح کے لیے ان کی دِلچسپی، محنت اور عزم کا واضح ثبوت ہے
