پاکستان پیپلز پارٹی کراچی ڈویژن کے صدر سعید غنی اور صوبہ سندھ کے جنرل سیکریٹری سید وقار مہدی کی صدارت میں 58 ویں یوم تاسیس کے حوالے سے اہم اجلاس ڈپٹی کمشنر کورنگی مسعود بھٹو کے آفس میں منعقد ہوا۔
جس میں ضلعی انتظامیہ، پولیس افسران، پارٹی قیادت اور مختلف شعبہ جات کے نمائندگان نے بڑی تعداد میں شرکت کی۔
اجلاس میں 30 نومبر کے مرکزی یوم تاسیس پروگرام کے لیے سیکیورٹی پلان, ٹریفک مینجمنٹ, پولیس ڈپلائمنٹ, پارکنگ ایریاز, انٹری و ایگزٹ پوائنٹس, ایمرجنسی ریسکیو پلان, میڈیا کوریج, اسٹیج مینجمنٹ, استقبالیہ کیمپ, رضاکارانہ خدمات, اور عوامی سہولیات کے حوالے سے تفصیلی گفتگو کی گئی۔ تمام اداروں اور شعبہ جات نے پروگرام کو تاریخی اور کامیاب بنانے کے لیے بھرپور تعاون کی یقین دہانی کرائی۔
اجلاس میں کراچی ڈویژن جنرل سیکریٹری رؤف احمد ناگوری، نائب صدر مرزا مقبول احمد, سیکریٹری اطلاعات شرمیلا فاروقی, ضلع کورنگی صدر جانی میمن, جنرل سیکریٹری شرجیل رضوانی, نائب صدر و چیئرمین کورنگی ٹاؤن نعیم شیخ, سیکریٹری اطلاعات احمد رضا, رکن سندھ اسمبلی فاروق اعوان, PYO کراچی ڈویژن صدر راشد خاصخیلی, PSF کراچی ڈویژن صدر مدنی رضا, سیکریٹری اطلاعات طلال چانڈیو, ایس ایس پی آپریشن کورنگی, ایس ایس پی ٹریفک کورنگی, اور ضلعی انتظامیہ کے دیگر حکام نے شرکت کی۔
