وفاقی اردو یونیورسٹی میں ورلڈ AMR اویئرنیس ڈے کے تحت سائنسی سیشن کا انعقاد

وفاقی اردو یونیورسٹی میں ورلڈ AMR اویئرنیس ڈے کے تحت سائنسی سیشن کا انعقاد
کراچی: وفاقی اردو یونیورسٹی آف آرٹس، سائنس اینڈ ٹیکنالوجی، کراچی کے شعبۂ مائیکروبیالوجی میں ورلڈ اینٹی مائیکروبیل ریزسٹنس (AMR) اویئرنیس ڈے 2025 کے حوالے سے ایک سائنسی و آگاہی سیشن کا انعقاد کیا گیا۔ اس سال کا عالمی موضوع “مزاحمت کو روکیے” مقرر کیا گیا تھا۔
تقریب کی صدارت چیئرپرسن شعبہ مائیکروبیالوجی ڈاکٹر صائمہ فراز نے کی، جبکہ پروگرام کی آرگنائزر ڈاکٹر تبسم کرن تھیں۔ اس موقع پر ڈین فیکلٹی آف سائنس پروفیسر ڈاکٹر عبدالمجید نے خصوصی شرکت کرتے ہوئے طلبہ کی جانب سے عالمی نوعیت کے مسئلے AMR پر مؤثر آگاہی پروگرام کو قابلِ تحسین قرار دیا۔
سیشن سے خطاب کرتے ہوئے پروفیسر ڈاکٹر محمد زاہد نے کہا کہ اینٹی مائیکروبیل ریزسٹنس دنیا بھر کے لیے ایک تیزی سے بڑھتا ہوا خاموش خطرہ ہے۔ اگر اسے فوری طور پر کنٹرول نہ کیا گیا تو عام نوعیت کے انفیکشن بھی جان لیوا ثابت ہوسکتے ہیں۔ انہوں نے کہا کہ اینٹی بائیوٹکس کے ذمہ دارانہ استعمال، درست تشخیص اور سائنسی تحقیق کے فروغ کے بغیر AMR پر قابو پانا ممکن نہیں۔ ان کا مزید کہنا تھا کہ جامعات اس حوالے سے بنیادی کردار ادا کر سکتی ہیں کیونکہ تربیت یافتہ نوجوان سائنس دان ہی مستقبل میں مؤثر حکمتِ عملی وضع کرنے کی صلاحیت رکھتے ہیں۔
سیشن میں شعبۂ مائیکروبیالوجی کی فیکلٹی کے اراکین ڈاکٹر منّزہ دانش، ڈاکٹر سعدیہ خلیل، مس عائشہ اشاعت، مس نورالعین اور مس ایمان پیرزادہ نے بھی شرکت کی۔
تقریب میں مختلف اداروں سے تعلق رکھنے والے ماہرین نے AMR کے سائنسی، کلینیکل اور صحتِ عامہ سے متعلق پہلوؤں پر تفصیلی گفتگو کی۔ ماہرین نے پاکستان میں اینٹی بائیوٹکس کے غیر ضروری استعمال، بغیر تشخیص کے ادویات تجویز کرنے کے بڑھتے ہوئے رجحان اور عوامی آگاہی کی کمی کو تشویشناک قرار دیا۔
اسپیکرز ڈاکٹر زید احمد پیرزادہ کراچی یونیورسٹی ،ڈاکٹر صدف اکبر ہاشمانی اسپتال،ڈاکٹر راؤ محمد عابد، ایس آئی یو ٹی،محمد عنیب جین وائز مالیکیولر لیب،ڈاکٹر صائمہ فراز شعبہ مائیکروبیالوجی، وفاقی اردو یونیورسٹی جبکہ ایونٹ کے اسپانسرز میں محمد اطہر پٹیل اسپتال ،حماد جیلانی ،ڈاکٹر عیسیٰ لیبارٹری ذکریا تصلیب جین وائز مالیکیولر لیب شامل تھے ۔
اختتام پر ماہرین نے زور دیا کہ اینٹی بائیوٹکس کے احتیاطی استعمال، بروقت کلینیکل ٹیسٹ، عوامی آگاہی اور تحقیق میں اضافہ ہی AMR کے بڑھتے ہوئے بحران سے نمٹنے کا مؤثر حل ہے۔ سیشن میں اس بات پر اتفاق کیا گیا کہ صحتِ عامہ کے تحفظ کے لیے تعلیمی اداروں، طبی ماہرین اور تحقیقی لیبارٹریوں کے مابین مضبوط تعاون ناگزیر ہے۔
#WorldAMRAwarenessDay2025
#FUUAST
#MicrobiologyDept
#AntimicrobialResistance
#StopResistance
#DrSaeimaFaraz
#DrTabsamKaran
#ProfDrAbdulMajeed
#ProfDrMohammadZahid
#DrManzahDanish
#DrSadiaKhalil
#AishaAshawat
#NouraAlAin
#ImanPirzada
#DrZaidAhmedPirzada
#DrSadafAkbarHashmani
#DrRaoMuhammadAbid
#SIUT
#MuhammadAneebJain
#MolecularLab