نواز شریف ایکشن میں واپس پی ٹی آئی کو بڑا دھچکا | ندیم ملک تجزیہ

نواز شریف ایکشن میں واپس پی ٹی آئی کو بڑا دھچکا | ندیم ملک تجزیہ | ٹاک شو

ٹریفک انجینئرنگ بیورو، ’’مردہ گھوڑا‘‘ قرار، کراچی ٹریفک مینجمنٹ کمپنی کے قیام کی تیاری

ٹریفک انجینئرنگ بیورو، ’’مردہ گھوڑا‘‘ قرار، کراچی ٹریفک مینجمنٹ کمپنی کے قیام کی تیاری
کراچی( افضل ندیم ڈوگر) کراچی میں دور حاضر کی جدیدیت خاص طور پر آرٹیفیشل انٹیلیجنس کا مقابلہ کرنے کیلئے ٹریفک انجینئرنگ بیورو کو “مردہ گھوڑا” قرار دے کر نئی اصطلاحات کی تیاری کرلی گئی ہیں۔ ذرائع کے مطابق کراچی ڈویژن میں پائیدار اربن ٹریفک گورننس کیلئے کراچی ٹریفک مینجمنٹ کمپنی (کے ٹی ایم سی) کے قیام کی تجویز دی گئی۔ تجویز میں کہا گیا ہے کہ ٹریفک انجینئرنگ بیورو میں دہائیوں سے اصطلاحات نہیں کی گئیں۔ ادارے کو سالوں سے فنڈز نہیں دیئے گئے۔ بیشتر افسران ریٹائر ہوچکے ہیں اور نئی بھرتیاں نہیں کی گئیں۔ دور حاضر کے مطابق جدید اصطلاحات کرنے کیلئے ادارے کے پاس قطعی طور پر وسائل نہیں ہیں۔ ذرائع کے مطابق اس سلسلے میں کراچی ٹریفک مینجمنٹ کمپنی کے قیام کو واحد حل قرار دیا گیا ہے۔ کراچی ٹریفک پولیس کی جانب سے سندھ حکومت کو بھیجی گئی تجویز میں کہا گیا ہے کہ شہر میں ٹریفک مسائل کے حل کیلئے کمشنر کراچی کے دفتر میں ایم اجلاس ہوا جس میں میئر کراچی اور ڈی آئی جی ٹریفک کراچی نے شرکت کی۔ اجلاس میں متفقہ طور پر کراچی ٹریفک مینجمنٹ کمیٹی کے قیام کی تجویز پیش کی گئی۔ اجلاس میں مجوزہ کے ٹی ایم سی کے تنظیمی ڈھانچے، ذمہ داریوں کے دائرہ کار اور مالیاتی فریم ورک کا خاکہ بھی پیش کیا گیا۔ ذرائع کے مطابق کے ٹی ایم سی میں کمشنر کراچی کراچی پولیس چیف ریٹائرڈ پروفیسرز پولیس افسران شامل کرنے کی تجویز دی گئی۔ کمپنی کے اخراجات ای چالان سے حاصل جرمانوں سے مخصوص فیصد حصے سے پورے کیے جائیں گے۔ ذرائع کے مطابق مجوزہ کمیٹی ٹریفک انجینئرنگ بیورو ایکٹ 1985 کی منسوخی کے بغیر تشکیل نہیں دی جا سکتی۔ اجلاس میں سندھ انجینئرنگ بیورو ایکٹ 1985 کو منسوخ کرنے کا عمل شروع کرنے کی درخواست کی گئی۔ مجوزہ کراچی ٹریفک مینجمنٹ کمپنی کے امور انجام دینے کیلئے حکومت سے عبوری انتظام کے طور پر مشتمل کمیٹی تشکیل دینے کی درخواست بھی کی گئی۔ ذرائع کے مطابق اس سلسلے میں حکومت سے 200 ملین روپے مختص کرنے کی درخواست کی گئی۔ جس سے ٹریفک مینجمنٹ کے امور سرانجام دیئے جاسکیں۔ عوری انتظام کے طور پر میئر کراچی ،کمشنر کراچی، ڈی آئی جی ٹریفک پر مشتمل کمیٹی تشکیل دینے کی درخواست بھی کی گئی۔
==========================

وزیراعظم کے کوآرڈینیٹر اختیار ولی کی والدہ انتقال کر گئیں
نوشہرہ: (ویب ڈیسک) وزیراعظم شہباز شریف کے کوآرڈینیٹر و سینئر لیگی رہنما اختیار ولی کی والدہ انتقال کر گئیں۔

سماجی رابطوں کی ویب سائٹ ایکس (سابقہ ٹویٹر) پر جاری ایک پیغام میں اختیار ولی نے کہا کہ ماں کے بغیر زندگی کا تصور نہیں، میری والدہ اس جہان فانی سے رحلت فرما گئی ہیں، ان کی مغفرت کیلئے دعا کی درخواست ہے۔

ذرائع کے مطابق مرحومہ کی نمازجنازہ (آج) جمعرات کو رات 8 بجے نوخار ہاؤس کابل ریور نوشہرہ میں ادا کی جائے گی۔

وزیراعظم شہباز شریف ، قائد مسلم لیگ ن میاں نواز شریف سمیت دیگر سیاسی رہنماؤں نے اختیار ولی کی والدہ کے انتقال پر اظہار افسوس کیا اور مرحومہ کے بلندی درجات اور اہلخانہ کے لیے صبر جمیل کی دعا کی۔

یہ بھی پڑھیں: عمران خان کے قتل کی افواہیں، پنجاب حکومت کی واضح تردید

سیاستدانوں اور عوامی حلقوں کی جانب سے بھی اختیار ولی کے لیے تعزیتی پیغامات کا سلسلہ جاری ہے، پارٹی رہنماؤں نے کہا کہ والدہ جیسی عظیم ہستی کا سایہ اٹھ جانا زندگی کا سب سے بڑا صدمہ ہوتا ہے، دکھ کی اس گھڑی میں پوری پارٹی ان کے ساتھ کھڑی ہے۔
====================