چیئرمین ناظم آباد ٹاؤن سید محمد مظفر کا میونسپل کمشنر اطہر سعید خان کے ہمراہ نیٹال کالونی ڈسپنسری یونین کمیٹی نمبر 04 کا تفصیلی دورہ
ڈسپنسری میں جاری ترقیاتی و بحالی کے کاموں کا جائزہ
عوام کو بنیادی صحت کی معیاری سہولیات فراہم کرنا ہماری اولین ترجیح ہے:سید محمد مظفر
ڈسپنسری کی بحالی اور سہولیات میں اضافہ شہریوں کی فلاح و بہبود کے لیے ہماری سنجیدہ کاوش ہے: اطہر سعید خان
مورخہ: 27 نومبر 2025ء
کراچی( )چیئرمین ناظم آباد ٹاؤن سید محمد مظفر نے میونسپل کمشنر اطہر سعید خان کے ہمراہ نیٹال کالونی ڈسپنسری یونین کمیٹی نمبر 04 کا تفصیلی دورہ کیا۔چیئرمین سید محمد مظفر نے ڈسپنسری کے مختلف شعبوں کا معائنہ کرتے ہوئے انتظامی ٹیم کی کارکردگی کو سراہا۔ انہوں نے کہادورے کا مقصد ڈسپنسری میں جاری ترقیاتی و بحالی کے کاموں کا جائزہ لینا، عوامی سہولیات میں بہتری اور انتظامی امور کو مزید مؤثر بنانا ہے۔اس موقع پر ڈائریکٹر سینی ٹیشن ظہیر احمد، فوکل پرسن کلک عثمان غنی،ڈپٹی ڈائریکٹر میڈیکل آصف ودیگر افسران بھی موجودتھے۔چیئرمین سید محمد مظفر نے کہاعوام کو بنیادی صحت کی معیاری سہولیات فراہم کرنا ہماری اولین ترجیح ہے۔ ڈسپنسری میں جاری تمام کام مکمل شفافیت، معیار اور رفتار کے ساتھ انجام دیے جائیں۔ ٹاؤن انتظامیہ کا مقصد یہ ہے کہ شہریوں کو اُن کی دہلیز پر بہتر علاج، صاف ماحول اور ذمہ دارانہ سروسز مہیا کی جائیں۔چیئرمین نے متعلقہ افسران کو ہدایات دیتے ہوئے مزید کہا کہ ڈسپنسری میں سہولیات کی بہتری نہ صرف ضروری ہے بلکہ وقت کی اہم ضرورت بھی ہے۔ ہم یہاں کی عوام کے لیے ایک ایسا صحت مرکز تشکیل دے رہے ہیں جو جدید، مؤثر اور ہر شخص کے لیے قابل رسائی ہو۔اس موقع پر میونسپل کمشنراطہر سعید خان نے بھی مختلف شعبوں کا جائزہ لیا اور فیلڈ ٹیم کو ضروری رہنمائی فراہم کی انہوں نے کہاناظم آباد ٹاؤن میں صفائی، صحت اور میڈیکل سے متعلقہ خدمات کے معیار میں بہتری کے لیے مسلسل کام جاری ہے۔ ڈسپنسری کی بحالی اور سہولیات میں اضافہ شہریوں کی فلاح و بہبود کے لیے ہماری سنجیدہ کاوش ہے، ہم یہ یقینی بنائیں گے کہ تمام کام مقررہ معیار اور ٹائم لائن کے مطابق مکمل ہوں۔
جاری کردہ:۔ فہیم مصطفی
ڈائریکٹر انفارمیشن
ناظم آباد ٹاؤن
