ٹک ٹاک نے شفافیت کے لیے جدید اے آئی کنٹرولز اور تعلیمی ٹولز لانچ کر دیے ہیں۔
ٹک ٹاک نے ایسی کئی نئی اپ ڈیٹس متعارف کی ہیں، جن کا مقصد لوگوں کو پلیٹ فارم پر اے آئی سے تیار کردہ کانٹینٹ کو بہتر طور پر پہچاننے، سمجھنے اور اپنی پسند کے مطابق کنٹرول کرنے میں مدد دینا ہے۔
ٹک ٹاک کا کہنا ہے کہ اے آئی کو اگر ذمہ داری اور شفافیت کے ساتھ استعمال کیا جائے تو یہ تخلیقی صلاحیتوں اور دریافت کے عمل میں مددگار ثابت ہو سکتی ہے، اور تحفظ میں اضافہ کر سکتی ہے۔
ایک نیا کنٹرول جو اے آئی سے تیار کردہ کانٹینٹ کے لیے ہے، جلد ہی ’’Manage Topics‘‘ فیچر میں آزمایا جائے گا۔ اس سیٹنگ کے ذریعے صارفین یہ طے کر سکیں گے کہ ان کی For You فیڈ میں اے آئی سے بنایا گیا کانٹینٹ کس حد تک دکھائی دے۔ جو لوگ اے آئی سے تخلیق کردہ کہانیوں یا تعلیمی ویڈیوز سے زیادہ لطف اندوز ہوتے ہیں، وہ اس طرح کے مواد کی مقدار بڑھا سکیں گے، جو اسے کم دیکھنا چاہتے ہیں وہ اسے کم کر سکیں گے۔
یہ ٹول صارفین کو ٹک ٹاک کو منفرد بنانے والے تخلیقی تنوع کو محدود کیے بغیر، اپنی فیڈ کو اپنی پسند کے مطابق ڈھالنے میں مدد دینے کے لیے تیار کیا گیا ہے۔ کی ورڈ فلٹرز اور Not interested بٹن جیسے ٹولز میں یہ کنٹرول ایک اور اضافہ ہے۔
شفافیت کو مزید مضبوط بنانے کی غرض سے ٹک ٹاک اپنے اے آئی لیبلنگ سسٹمز کو بھی بہتر بنا رہا ہے۔ یہ پلیٹ فارم پہلے ہی متعدد ایسے طریقے استعمال کر رہا ہے جن میں کری ایٹرز کے لیبل، اے آئی ڈیٹیکشن ماڈلز اور C2PA Content Credentials شامل ہیں، تاکہ اے آئی سے تیار کردہ ویڈیوز کی نشان دہی کی جا سکے۔ اب تک 1.3 ارب سے زائد ویڈیوز کو لیبل کیا جا چکا ہے۔ ایپ اب ’’نظر نہ آنے والی واٹر مارکنگ (invisible watermarking)“ کے نام سے دستیاب ایک اور حل کا تجربہ کر رہی ہے۔
نظر نہ آنے والے واٹر مارکس ایک مضبوط تکنیکی ”واٹر مارک“ کے ذریعے حفاظتی اقدامات کی ایک نئی پرت کا اضافہ کرتے ہیں، جسے صرف ٹک ٹاک کے سسٹمز ہی پڑھ سکتے ہیں، اور اس طرح دوسروں کے لیے انھیں ہٹانا مشکل ہو جاتا ہے۔ یہ واٹر مارکس ایڈیٹنگ یا ری پوسٹنگ کے بعد بھی برقرار رہتے ہیں، جس سے AI لیبلنگ مزید قابلِ اعتماد اور پائیدار ہو جاتی ہے۔
آنے والے چند ہفتوں میں ٹک ٹاک اپنے ٹولز مثلاً AI Editor Pro کے ذریعے بنائے گئے اے آئی کانٹینٹ اور C2PA Content Credentials کے ساتھ اپ لوڈ کیے گئے کانٹینٹ میں نظر نہ آنے والے واٹر مارکس شامل کرنا شروع کر دے گا۔
عالمی سطح پر ٹک ٹاک اے آئی سے متعلق تعلیم میں بھی سرمایہ کاری کر رہا ہے اور اس مقصد کے لیے 20 لاکھ ڈالر کا نیا اے آئی لٹریسی فنڈ قائم کیا ہے۔ یہ فنڈ غیر منافع بخش اداروں اور ماہرین کی معاونت کرے گا تاکہ وہ ایسا تعلیمی کانٹینٹ تیار کریں جو لوگوں کو سمجھنے میں مدد دے کہ اے آئی کیسے کام کرتا ہے؟ اے آئی سے تیار کردہ کانٹینٹ کو کیسے پہچانا جائے؟ اور اے آئی کو محفوظ اور ذمہ داری کے ساتھ کس طرح استعمال کیا جائے؟
