لوگ اکثر جیبوں میں ٹشو پیپرز، نقدی اور سکے رکھ کر بھول جاتے ہیں جو واشنگ مشین میں دھل جاتے ہیں۔
خاتون پاستا کا تھیلا نکالنا بھول گئیں جو جیب میں نہیں بلکہ گندے کپڑوں کے بنڈل میں تھا وہ اٹلی کے سفر سے واپس آئی تھی جب انہوں نے اسے واشنگ مشین میں ڈالا اور بعد میں انہیں اپنی غلطی کا احساس ہوا۔
اب وائرل ہونے والی ویڈیو کو کیلسی پومیرائے نے متن کے ساتھ شیئر کیا اور لکھا کہ میں نے واشنگ مشین میں پاستا کا پورا بیگ پکایا میں نے پاستے کا تھیلا کپڑوں کے بنڈل کے ساتھ رکھا تھا۔
خاتون نے کہا کہ میں پاستا کھانے کے لیے بہت پرجوش تھیں، چھوٹے مٹھی بھر کپڑے نکالے اور اسے اندر ڈال دیا، یہ سویٹر یا کسی اور چیز میں لپٹا ہوا ہوگا میں بالکل بھول گئی تھی اور جب کپڑے باہر نکالے تو پاستا کے ٹکڑے ان سے چپکتے ہوئے دیکھے۔
کیلسی نے کہا کہ کپڑوں پر چپکے پاستا کو ہٹانے کے لیے انہیں کھرچنے کی ضرورت ہوگی۔
وائرل ویڈیو پر سوشل میڈیا صارفین کی جانب سے بھی تبصرے کیے جارہے ہیں، ایک صارف نے لکھا کہ ’یہ ٹشوز سے بھری جیب سے بہتر ہے۔‘
دوسرے صارف نے لکھا کہ ’یہی وجہ ہے کہ میں پیک کھولنے میں تاخیر کرتا ہوں۔‘
