بھارتی میڈیا کا دعویٰ ہے کہ عمران خان انتقال کر گئے ہیں! ہمیشہ کی طرح جعلی خبروں کے ساتھ جعلی میڈیا
بھارتی میڈیا کا دعویٰ ہے کہ عمران خان انتقال کر گئے ہیں! ہمیشہ کی طرح جعلی خبروں کے ساتھ جعلی میڈیا
Indian media claims Imran Khan has died! As usual fake media with fake news
=============================
پنجاب میں ‘اپنی زمین، اپنا گھر’ پروگرام کا آغاز، قرعہ اندازی میں 2 ہزار افراد کو پلاٹ مل گئے
لاہور: مسلم لیگ ن کے قائد نواز شریف اور وزیراعلیٰ پنجاب مریم نواز نے ”اپنی زمین، اپنا گھر“ پروگرام کا باضابطہ آغاز کر دیا ۔
لاہور میں منعقدہ تقریب کے دوران میاں نواز شریف نے وزیراعلیٰ مریم نواز کی درخواست پر بٹن دبا کر ”اپنی زمین، اپنا گھر“ پروگرام کا ڈیجیٹل افتتاح کیا۔
پروگرام کی ڈیجیٹل قرعہ اندازی میں پنجاب کے 19 اضلاع کی 23 ہاؤسنگ اسکیموں کے تحت 2 ہزار مستحق افراد کو 3 مرلہ کے پلاٹ مل گئے۔
جہلم میں 730، قصور میں 388، فیصل آباد 257،لودھراں کے 219 ، اوکاڑہ 130، لیہ 55، بھکر 52، ساہیوال 33 اور سرگودھا کے 25 افراد پلاٹ کے حقدار بنے۔
اس کے علاوہ خوشاب 24، بہاولنگر 20، منڈی بہاءالدین17، راجن پور 15، اٹک میں1، گجرات 8 ، بہاولپو ر7، جھنگ، وہاڑی میں4 4 اور چنیوٹ کے 2 درخواست دہندگان کو پلاٹ مل گئے۔
وزیراعلیٰ مریم نواز نے خوش نصیب درخواست دہندگان کو خود فون کرکے مبارکباد دی۔
اٹک کی رخسانہ بی بی اور بہاولپور کی میرومائی سے قائد نواز شریف اور وزیراعلیٰ نے بات چیت کی۔
وزیراعلیٰ کا کہنا تھا کہ 3 مرلہ پلاٹ حاصل کرنے والوں کو گھر کی تعمیر کے لیے 15 لاکھ روپے تک کا قرض فراہم کیا جائے گا، جس کی واپسی 9 سال میں صرف 14 ہزار روپے ماہانہ قسط کی صورت میں ہوگی۔
صوبائی وزیر ہاؤسنگ بلال یٰسین نے ”اپنی زمین، اپنا گھر“پر تفصیلی بریفنگ دی جس میں بتایا گیا کہ پروگرام کی شفافیت کے لیے نادرا فیلڈ اسٹاف کے ذریعے اسکروٹنی، تصدیق اور ڈسٹرکٹ کمیٹیوں کی منظوری کا فول پروف سسٹم اپنایا گیا۔
بریفنگ کے مطابق لاکھ 83 ہزار سے زائد افراد نے رجسٹریشن کرائی جبکہ پہلے مرحلے میں 18 ہزار 308 درخواست دہندگان کو قرعہ اندازی کے لئے اہل قرار دیا گیا۔
