🔥نواز شریف دوبارہ سیاسی میدان میں داخل – آگے پریشانی؟ | گوہر بٹ
🔥نواز شریف دوبارہ سیاسی میدان میں داخل – آگے پریشانی؟ | گوہر بٹ
🔥Nawaz Sharif Re-Enters the Political Arena — Trouble Ahead? | Gohar Butt
=========================
26 نومبر کو بشریٰ بی بی نے جان کے خطرے کے باوجود میدان نہیں چھوڑا، مریم ریاض وٹو
بشریٰ بی بی کی ہمشیرہ مریم ریاض وٹو نے سوشل میڈیا پر 26 نومبر کے واقعات اور بشریٰ بی بی سے متعلق بیان جاری کردیا۔
مریم ریاض وٹو نے سوشل میڈیا پر جاری پیغام میں گزشتہ سال کے 26 نومبر کے احتجاج کا ذکر کرتے ہوئے لکھا کہ اُن کی بہن بشریٰ عمران خان نے اپنے شوہر کی ہدایت پر عمل کرتے ہوئے جان کے خطرے کے باوجود میدان نہیں چھوڑا۔
اسلام آباد میں پولیس آپریشن: علی امین اور بشریٰ فرار، کارکن بھی بھاگ نکلے
مریم وٹو نےکہاکہ عمران خان کی ہدایت کے مطابق بشریٰ بی بی تقریباً دو دن کے مسلسل سفر کے بعد 26 نومبرکو اسلام آباد پہنچیں جس کے بعد انہوں نے اسلام آباد سے واپس جانے سے انکار کیا کیونکہ واپس آنا عمران خان کی ہدایات کی خلاف ورزی ہوتا۔
انہوں نے اپنے پیغام میں دعویٰ کیا کہ اُس رات بشریٰ بی بی کو گولیوں کا سامنا کرنا پڑا تاہم خطرے کے باوجود وہ کارکنوں کے ساتھ موجود رہیں جبکہ کئی نام نہاد رہنما موقع سے غائب ہوگئے تھے۔
پی ٹی آئی احتجاج کے دوران اسپتال لائے گئے زخمی اور جاں بحق افراد کی فہرست سامنے آگئی
مریم ریاض وٹو نے اپنے پیغام میں یہ بھی دعویٰ کیا کہ اسی رات بشریٰ بی بی کو زبردستی وہاں سے ہٹایا گیا جس کے بعد دو روز تک انہیں فون استعمال کرنے کی اجازت نہیں دی گئی اور اس سب کا مقصد عوام تک بشریٰ بی بی کے پیغام کو پہنچانے سے روکنا تھا۔
مریم ریاض نے لکھا کہ وہ پوری رات بشریٰ بی بی کی جانب سے کسی میسج یا فون کال کا انتظار کرتی رہیں کیونکہ انہیں صرف یہ اطلاع ملی تھی کہ بشریٰ بی بی پر فائرنگ ہوئی ہے مگر وہ جانتی تھیں کہ بشریٰ بی بی میدان چھوڑ کر بھاگنے والوں میں سے نہیں۔
انہوں نے کہاکہ اگلے دن یہ تاثر پیدا کرنے کی کوشش کی گئی کہ بشریٰ بی بی پریس کانفرنس کرنے والی ہیں مگر میں جانتی تھی کہ یہ غلط ہے، سب ڈرامہ کیا جارہا ہے کیونکہ اگر بشریٰ بی بی کو فون تک رسائی حاصل ہوتی تو وہ سب سے پہلے گھر والوں سے رابطہ کرتیں۔
انہوں نے لکھا کہ وہ دعا کرتی ہیں کہ خدا ان لوگوں کو کبھی معاف نہ کریں جو عمران خان کے قریب رہ کر بشریٰ بی بی کے خلاف شرمناک کھیل کھیلتے رہے۔
مریم ریاض وٹو نے پیغام کے آخر میں اس اُمید کا اظہار بھی کیا کہ جب پاکستان میں انصاف کی بحالی ہوگی تو ذمہ داروں کو عدالت کے سامنے لایا جائےگا۔
