مور خہ 25نومبر 2025
گورنمنٹ گرلز ڈگری کالج باتھ آئی لینڈ میں کمپیوٹر لیب اور ڈیجیٹل لائبریری کےقیام کے حوالے سے تقریب کا انعقاد ۔
کراچی25 نومبر ۔گورنمنٹ گرلز ڈگری کالج باتھ آئی لینڈ میں کمپیوٹر لیب اور ڈیجیٹل لائبریری کےقیام کے حوالے سے تقریب کا انعقاد ہوا ۔افتتاحی تقریب کے مہمان خصوصی اسپشیل سیکر یٹری کالج ایجوکیشن فاروق شہزاد قریشی تھے۔اپنےخطاب میں اسپشیل سیکر یٹری کالج ایجوکیشن فاروق شہزاد قریشی نے کہا کہ جدید تعلیمی سہولیات کی فراہمی وقت کی اشد ضرورت ہے تاکہ طلباء و طالبات جدیدتعلیمی تقاضوں سے ہم آہنگ ہو سکیں۔انہوں نے کہا کہ حکومت سندھ تعلیم کے شعبے کو بہت اہمیت دیتی ہے ۔انہوں نے مزید کہا کہ طلباء وطالبات مستقبل کے معمار ہیں اور بہترتعلیم کی بدولت ہی ترقی کے منازل کا حصول ممکن ہے۔تقریب سے خطاب کرتے ہوئے گورنمنٹ گرلز ڈگری کالج باتھ آئی لینڈکی پرنسپل ڈاکٹر افشاں ناز نے کہا کہ کالج میں طالبات کو حصول تعلیم کے لئے بہتر ماحول اور جدید تعلیمی سہولیات کی فراہمی ان کا عزم ہے۔اس موقع پر سیکر یٹری کالج ایجوکیشن فاروق شہزاد قریشی نے کمپیوٹر لیب اور ڈیجیٹل لائبریری کا باقاعدہ افتتاح کیا ۔ شرکائے تقریب نے پرنسپل ڈاکٹر افشاں ناز کی جانب سے تعلیمی ماحول اور کالج کی ترقی کے لیے کیے گئے اقدامات کو سراہتے ہوئے کہا کہ اس نوعیت کے اقدامات ادارے اور طالبات کے لیے قابلِ تحسین ہیں۔ تقریب میں ڈائریکٹر جنرل کالجز ڈاکٹر پروفیسر نوید رب اور ریجنل ڈائریکٹر کراچی پروفیسر قاضی ا رشد حسین اور طالبات کی بڑی تعداد نے بھی شرکت کی۔
