رمضان کی آمد میں کتنے دن باقی ہیں؟ ماہِ جمادالثانی کے آغاز کے بعد دنیا بھر کے لاکھوں مسلمان ماہِ صیام کا خیرمقدم کرنے کی تیاریاں کر رہے ہیں۔ اب رمضان المبارک شروع ہونے میں صرف چند ہفتے رہ گئے ہیں اور اس کی ممکنہ تاریخ بھی سامنے آ گئی ہے۔ تفصیلات کے مطابق پاکستان میں جمعہ 21 نومبر کو جمادالثانی کا چاند نظر نہیں آیا تھا، جس کے باعث یکم جمادالثانی 23 نومبر کو قرار دی گئی۔
اس حساب سے رمضان کے آغاز میں 3 ماہ سے بھی کم وقت رہ گیا ہے۔ اماراتی فلکیاتی انجمن کے مطابق ہجری سال 1477 کا پہلا روزہ جمعرات 19 فروری 2026 کو ہونے کا امکان ہے۔ انجمن کے صدر ابراہیم جروان کا کہنا ہے کہ رمضان 1447 کا ہلال منگل 17 فروری کو شام 4 بج کر ایک منٹ پر (اماراتی وقت کے مطابق) پیدا ہوگا، جو سعودی وقت کے مطابق 3 بج کر 1 منٹ بنتا ہے۔
ان کے مطابق سورج غروب ہونے کے تقریباً ایک منٹ بعد ہی نیا چاند افق سے غائب ہو جائے گا، جبکہ اس وقت اس کی عمر صرف 2 گھنٹے 12 منٹ ہوگی، لہٰذا اسی شام ہلال دکھائی دینے کے امکانات نہایت کم ہیں۔ اسی بنیاد پر 19 فروری کو یکم رمضان ہونے کا امکان ظاہر کیا گیا ہے۔ مزید یہ کہ ماہرِ فلکیات نے رمضان المبارک میں 29 روزے ہونے اور عیدالفطر جمعہ 20 مارچ کو آنے کی پیشگوئی بھی کی ہے۔
