وزیر بلدیات ، ہاوسنگ و ٹاؤن پلاننگ سید ناصر حسین شاہ نے کہا ہے کہ ڈپٹی میئر اور وائس چیئرمینوں کے اختیارات میں اضافہ کیا جارہا ہے تاکہ وہ بہتر انداز میں کام کرسکیں اختیارات کی نچلی سطح تک منتقلی ہی عوامی مسائل کا حل ہے یہ بات انہوں نے سندھ لوکل گورنمنٹ کانفرنس 2025 سے مقامی ہوٹل میں خطاب کرتے ہوۓ کہی کانفرنس میں صدر لوکل کونسل ایسوسی ایشن پاکستان اور چیئرمن ڈسٹرکٹ کاٶنسل سکھر سید کمیل حیدر شاہ،صدر لوکل کونسل ایسوسی ایشن سندھ گل محمد جاکھرانی، میٸر کراچی مرتضیٰ وہاب، ڈپٹی میٸر کراچی سلمان عبداللہ مراد، چیئرمین سکھر ارسلان شیخ اور دیگر شخصیات نے شرکت کی، ناصر حسین شاہ نے کہا کہ کانفرنس میں جو بھی تجاویز دی جاۓ گی اس پر عمل کیا جاۓ گا چیئرمین بلاول بھٹو زرداری کی خصوصی ہدایت ہے کہ منتخب نمائندوں کےمسائل کو ہنگامی بنیادوں پر حل کیا جاۓ اور قانون سازی بھی کی جاۓ قانون سازی کے لیے منتخب نمائندے اپنی تجاویز سے آگاہ کریں تاکہ بہتر انداز میں قانون سازی کی جاسکے نئی قانون سازی کے زریعے نئے بلدیاتی انتخابات جب ہونگے تب تک موجودہ منتخب نمائندہ ہی اختیارات کی منتقلی تک اپنے عہدوں پر رہیں گے اب ایڈمنسٹریٹر کا تقررنہیں کیا جاۓ گا ناصر شاہ نے کہا کہ ملک بھر میں سب سے بااختیار اور مظبوط بلدیاتی نظام سندھ میں ہے بلاول بھٹو زرداری کے وژن کے مطابق اختیارات کو نچلی سطح منتقل اور منتخب بلدیاتی نماٸندوں کو بااختیار بنانے کے لیے مذید قانون سازی کی جارہی ہے ، صدر لوکل کونسل ایسوسی ایشن پاکستان اور چیئرمین ڈسٹرکٹ کونسل سکھر سید کمیل حیدر شاہ نے اپنے خطاب میں کہا کہ لوکل کونسل صوباٸ حکومت اور بلدیاتی ن نمائندوں کے درمیان برج کا کردار ادا کررہی ہے سندھ میں 98% فیصد منتخب بلدیاتی چیٸرمین کا تعلق پاکستان پیپلز پارٹی سے ہے چیئرمین بلاول بھٹو زرداری اور وزیر اعلیٰ سندھ نے یقین دہانی کرائی ہے کہ منتخب وائس چیئر مینوں کو مذید بااختیار کیا جاۓ گا انہوں نے کہا کہ مئیرز اور چیئرمینوں کا ہر محکموں میں کردار رکھا جاۓ ڈسٹرکٹ کونسل ممبرز کو کسی قسم کا ٹی اے ڈی اے سمیت کسی قسم کا الاؤنس نہیں دیا جاتا بجٹ میں ڈسٹرکٹ کونسل میمبران کے لیے رقم مختص کی جاۓ بلدیاتی انتخابات کے تسلسل سے انعقاد سے لوکل کونسل مستحکم ہوگی۔
ہینڈآؤٹ نمبر 1319۔۔۔
