پانی کی مسلسل ترسیل کے نظام کو جدید معیار کے مطابق مضبوط، مؤثر اور دیرپا بنایا جائے، محمد سلیم بلوچ
کراچی 24نومبر۔وزیر اعلیٰ سندھ کے معاون خصوصی برائے پبلک ہیلتھ انجینئرنگ و دیہی ترقی محمد سلیم بلوچ نے اپنے حلقے میں یوسی مراد میمن دیھ تھانو ملیر میں جاری ترقیاتی اسکیموں کا تفصیلی دورہ کیا۔ انھوں نے سموں گوٹھ میں جاری واٹر سپلائی اسکیم کا بھی معائنہ اور کام کی رفتار اور معیار کا بھی جائزہ لیا۔ اس موقع پر مقامی اسٹیک ہولڈرز، نمائندگان اور محکمہ پبلک ہیلتھ انجینئرنگ و دیہی ترقی سندھ کے افسران بھی ہمراہ موجود تھے۔ محمد سلیم بلوچ نے سموں گوٹھ میں زیر تعمیر واٹر ٹینک کا بھی دورہ کیا عوام پانی کی مسلسل ترسیل کے نظام کو جدید معیار کے مطابق مضبوط، مؤثر اور دیرپا بنانے کی ہدایت بھی کی۔ بعد ازاں معاون خصوصی وزیر اعلیٰ سندھ محمد سلیم بلوچ نے سموں گوٹھ اور ملا عیسیٰ گوٹھ پمپنگ اسٹیشنز کا بھی دورہ کیا جہاں لوڈ شیڈنگ سے استثنیٰ (Free Load Shedding) کے حوالے سے اقدامات کا جائزہ لیا۔ انھوں نے کہا کہ لوڈشیڈنگ کے خاتمے سے علاقے میں پینے کے صاف پانی کی مسلسل فراہمی میں بہتری آئے گی جبکہ واٹر ٹینک اور سپلائی لائن کی اپ گریڈیشن سے پانی کے پریشر اور اسٹوریج کا مسئلہ بھی حل ہوگا۔ محمد سلیم بلوچ نے کہا کہ ترقیاتی اسکیموں کے مکمل ہونے سے مقامی آبادی کو طویل مدتی سہولتیں میسر آئیں گی اور علاقے کے بنیادی انفراسٹرکچر میں بہتری سے صحت اور سماجی معیار زندگی میں نمایاں فرق واضع ہوگا۔
