۔ڈائریکٹر جنرل ہیلتھ سندھ نے ڈینگی کی صورتحال سے متعلق یومیہ رپورٹ جاری کردی ہے۔ رپورٹ کے مطابق سندھ بھر کے سرکاری اسپتالوں میں ڈینگی کے 50 نئے مریض داخل ہوئے جبکہ نجی اسپتالوں میں مزید 33 مریض رپورٹ ہوئے ہیں، جس کے بعد صوبے بھر میں ڈینگی کے مجموعی داخل مریضوں کی تعداد 76 ہوگئی ہے۔رپورٹ میں بتایا گیا ہے کہ کراچی ڈویژن کے سرکاری اسپتالوں میں ڈینگی کے 16 نئے مریض داخل ہوئے، جبکہ حیدرآباد کے سرکاری اسپتالوں میں 22 نئے مریض رپورٹ ہوئے۔ مزید بتایا گیا کہ گزشتہ 24 گھنٹوں کے دوران سرکاری اسپتالوں میں 63 مریض صحتیاب ہو کر گھروں کو روانہ ہوئے، جبکہ نجی اسپتالوں میں 44 مریض صحتیاب ہوئے۔ڈائریکٹر جنرل ہیلتھ سندھ کے مطابق گزشتہ روز صوبے میں ڈینگی سے ایک بھی ہلاکت رپورٹ نہیں ہوئی۔ صوبے بھر کی سرکاری و نجی لیبارٹریز میں مجموعی طور پر 5070 افراد کے ڈینگی ٹیسٹ کئے گئے، جن میں سے 559 افراد کے ٹیسٹ مثبت آئے۔ لیبارٹری رپورٹس کے مطابق کراچی کی لیبارٹریز میں سب سے زیادہ 347 مثبت کیسز رپورٹ ہوئے، جبکہ حیدرآباد کی لیبارٹریز میں 212 کیسز مثبت سامنے آئے۔ڈائریکٹر جنرل ہیلتھ سندھ نے شہریوں پر زور دیا کہ وہ احتیاطی تدابیر اختیار کریں اور علامات محسوس ہونے کی صورت میں فوری طور پر قریبی اسپتال سے رجوع کریں۔
