پریس ریلیز
کراچی- ۔سندھ بلڈنگ کنٹرول اتھارٹی کی جانب سے شادی ہالوں سے متعلق نیب میں جمع کرائی گئی رپورٹ پر ڈائریکٹر جنرل ایس بی سی اے مزمل ہالیپوٹو نے سخت نوٹس لیتے ہوئے فوری ہدایات جاری کر دی ہیں۔ ترجمان ایس بی سی اے کے مطابق ڈائریکٹر جنرل نے میڈیا پر نشر ہونے والی خبروں کا بھی نوٹس لیا ہے اور شہر بھر میں قائم تمام شادی ہالوں کو تین روز کے اندر اپنے متعلقہ دستاویزات جمع کرانے کی ہدایت کی ہے۔ ترجمان کا کہنا ہے کہ مقررہ مدت میں دستاویزات جمع نہ کرانے کی صورت میں متعلقہ شادی ہالوں کے خلاف فوری کارروائی عمل میں لائی جائے گی۔ترجمان نے مزید بتایا کہ سندھ ہائی کورٹ کے احکامات کے تحت شادی ہالوں کو صرف کمرشل مقاصد کے لیے مشروط اجازت دی گئی تھی، تاہم متعدد شادی ہالوں کی جانب سے کمرشلائزیشن کے چالان کے ڈی اے سمیت متعلقہ اداروں میں جمع نہیں کرائے گئے۔ ترجمان کے مطابق جن شادی ہال مالکان نے کمرشلائزیشن کے چالان جمع نہیں کرائے، انہیں سیل کر دیا جائے گا، جبکہ جن شادی ہالوں کے پاس چالان اور منظوری سے متعلق ضروری دستاویزات موجود نہیں ہوں گی، ان کے خلاف سخت کارروائی کرتے ہوئے انہیں مسمار کر دیا جائے گا۔ترجمان ایس بی سی اے نے واضح کیا کہ تین دن کی مہلت ختم ہونے کے بعد کسی بھی قسم کی کمی، خلاف ورزی یا تاخیر پر بلا تاخیر ایکشن لیا جائے گا۔
===========================
دھند کے باعث ایم ون پشاور ٹول پلازہ سے رشکئی تک بند
تازہ ترینقومی خبریں25 نومبر ، 2025
دھند کے باعث ایم ون پشاور ٹول پلازہ سے رشکئی تک بند
شدید دھند کے باعث موٹروے ایم ون پشاور ٹول پلازہ سے رشکئی تک بند ہے۔
پنجاب کے مختلف علاقوں میں فضا آج بھی انتہائی آلودہ ہے۔
عالمی ماحولیات ویب سائٹ کے مطابق کچھ دیر پہلے لاہور 212 ایئر پارٹیکولیٹ میٹرز کے ساتھ دنیا کے بڑے آلودہ ترین شہروں کی فہرست میں دوسرے نمبر پر موجود تھا۔
