قومی ٹیم کے سابق کپتان بابر اعظم نے زمبابوے کیخلاف شاندار کارکردگی دکھاتے ہوئے سب سے زیادہ ٹی ٹوئنٹی نصف سنچریاں بنانے والے پاکستانی بیٹر کا اعزاز حاصل کر لیا۔
گزشتہ میچ میں بابر اعظم نے 52 گیندوں پر 7 چوکے اور 2 چھکے لگا کر 74 رنز بنائے، جو زمبابوے کے خلاف ان کی چوتھی ففٹی تھی۔
اس فہرست میں احمد شہزاد اور محمد حفیظ 3،3 نصف سنچریوں کے ساتھ مشترکہ طور پر دوسرے نمبر پر ہیں، جبکہ محمد رضوان اور مختار احمد 2،2 ففٹیز بنا کر تیسرے نمبر پر موجود ہیں۔
بابر اعظم 306 رنز کے ساتھ زمبابوے کے خلاف سب سے زیادہ ٹی ٹوئنٹی رنز بنانے والے پاکستانی بیٹر بھی بن گئے ہیں۔
احمد شہزاد 265 رنز کے ساتھ دوسرے، محمد حفیظ 261 رنز کے ساتھ تیسرے، محمد رضوان 255 رنز کے ساتھ چوتھے جبکہ فخر زمان 239 رنز کے ساتھ پانچویں پوزیشن پر ہیں۔
