بھارت میں کیرالہ کے شہر کوچی میں ایک غیر معمولی واقعہ رونما ہوا، وی ایم شیرون نے اپنی زخمی دلہن آوانی سے اسپتال کے ایمرجنسی روم میں ہی شادی کرلی۔
بھارتی میڈیا رپورٹس کے مطابق شادی کا مہورت دوپہر کا مقرر تھا، مگر صبح دلہن آوانی کی گاڑی بے قابو ہوکر درخت سے ٹکرا گئی، جس سے اس کی ریڑھ کی ہڈی کو شدید چوٹ آئی، دلہن کو فوری طور پر اسپتال منتقل کردیا گیا۔
رپورٹس کے مطابق اسپتال کا ایمرجنسی روم شادی کے مقام میں تبدیل ہو گیا جب ایک شخص نے اپنی دلہن کے ساتھ اسی روم میں شادی کرلی۔ جو کچھ دیر قبل ہی ایک سڑک حادثے میں شدید زخمی ہو گئی تھی۔
بھارتی میڈیا کا کہنا ہے کہ مہورت کے مطابق شادی جمعہ کو تھمبولی میں دوپہر کے وقت ہونی تھی، لیکن دلہن کے میک اپ کے لیے کماراکوم جاتے ہوئے سڑک حادثہ رونما ہوگیا تھا۔ جس میں دلہن شدید زخمی ہوگئی تھی۔
رپورٹس کے مطابق زخمی دلہن کو اسپتال منتقل منتقل کیا گیا تاہم دلہا شیرون بھی اپنے رشتہ داروں کے ساتھ اسپتال کے ایمرجنسی وارڈ میں پہنچ گیا اور دونوں خاندانوں کی موجودگی میں شادی کی رسومات ادا کی گئی۔
دلہے کے اہل خانہ کا کہنا ہے کہ ’مہورت‘ دوپہر 12.15 سے 12.30 بجے کے درمیان طے کیا گیا تھا، اس لیے دونوں فریقین نے اسپتال انتظامیہ سے شادی کی سہولت فراہم کرنے کی درخواست کی۔
اسپتال انتظامیہ نے ایمرجنسی ڈیپارٹمنٹ میں دولہے کو منگل سوتر پہنانے کی اجازت دیدی، اس دوران دیگر مریضوں کا بھی خیال رکھا گیا تاکہ انہیں کسی قسم کی کوئی پریشانی نہ ہو۔
