دی سٹی اسکول کے درخشاں کیمپس میں پریپ سیکشن سے ششم ہفتم اور ہشتم کی جانب سے بین الکلیاتی ثقافتی “کریئیٹو تھرلاتھون 1.0” تقریب منعقد کی گئی۔
یہ پروگرام جیک ہنٹ اکیڈمی (برطانیہ) اوردنیا بھر کے شراکت داراسکولوں کے اشتراک سے یونِیورسل چلڈرن ڈے کے موقع پرمنائی گئی،اس سال تقریب کا موضوع “تنوع کے ذریعے ثقافتوں کا ملاپ”تھا۔
تقریب میں تقریباً 500 تا 600 طلبہ، والدین اورمہمانوں نےشرکت کی،جبکہ مختلف اسکولوں کے طلبہ نے بھی سرگرمی سےحصہ لیا،پروگرام میں کئی دلچسپ سرگرمیاں شامل تھیں، جیسے کہ آرٹ زون، ثقافتی پرفارمنسز، کُکنگ ایرینا، گلوبل فوڈ اسٹریٹ اورفن ایلی، جنہوں نےطلبہ کو اپنی تخلیقی صلاحیتوں، ثقافتی ہم آہنگی اورٹیم ورک کو اُجاگر کرنےکا بھرپور موقع فراہم کیا، تقریب کےمہمانِ خصوصی غزل گائیک سلمان علوی، اداکارہ عالیہ امام ،موسیقار اظہر حسین تھے۔
تقریب کامقصد طلبہ میں تخلیقی صلاحیت اور ثقافتی تنوع کا جشن منانا،تعاون، اعتماد اور پرفارمنس اسکلز کو فروغ دینا،اس کے علاوہ بین الاقوامی اشتراک کے ذریعے عالمی روابط کو مضبوط بنانا تھا۔
تقریب میں بی ویو ہائی اسکول،ہیپی ہوم،ہیمپٹن، ڈی ایچ اے، اور ٹی سی ایس پی اے ایف چیپٹر شامل تھے۔“کریئیٹوتھرلاتھون 1.0” ایک بامقصد اور دلچسپ تقریب ثابت ہوئی، جو دی سٹی اسکول کے تخلیقی سرگرمیوں، عالمی سیکھنے اور ہمہ جہت طلبہ کی شخصیت سازی کے عزم کی عکاسی کرتی ہے۔
